Lemwót bè yóm kmon Dwata du, ‘Là sulék genlau kul yó kem tau Israél,’ yó gónón hógów ke Jirubuam ngà Jihuhas mò lemwà kul.” Timbow matay Jirubuam ngà Jihuhas, yó bud tles tau hol geta bè Israél, duhen yóm ngaen boluyen Sikaraya. Là gomongen bè nili yóm tsaptér 15. Yó tulónen bè nim tsaptér ni yóm kogot Usiya yóm benwu Juda, glem yóm limu folò lewu halay. Nmò Usiya yóm gónón hligal Dwata lómón yóm tehe nmò maen Amasaya. Okóm là kô dog hegbaen du yó kem gónó le gel tmaba ebè yó kem dwata kéng yó kem tau bè Juda, ne yó kem gónó le gel demsù ebélê le. Wen des mifù hwit Dwata ebè Usiya, ngangen gemnóm du efet matay ne temles du yóm ngaen Jutam. Deng lewu folò limu ne halay Jutam yóm kbuten mogot benwu, ne yó kegenen kmamal bè Juda, sfolò nem halay. Nmoen se kun yóm gel nmò maen Usiya. Tikóng matay Jutam, yó bud temles du tau hol geta yóm ngaen boluyen Ahas. Bè yóm igò Usiya mogot yóm benwu Juda, botong limu tau hol geta setles mogot yóm benwu Israél. Bè yóm deng getluhen folò halay kkamal Usiya bè Juda, yó kmamal bè Israél, duhen Sikaraya ngà Jirubuam. Nmò Sikaraya se kun yó kem sidek bè kton Dwata du lómón yóm tehe nmò yó kem tehe fuen. Tek nem bulón Sikaraya mogot benwu, hnatay Syalum ngà Jabis. Bè yóm deng getluhen folò syóm halay tehe kogot Usiya yóm benwu Juda, yó bud mogot yóm benwu Israél, duhen Syalum, ne tek sbulónen mogot du, hnatay Minahim ngà Gadi. Ne Minahim tles bud tau hol geta bè Israél ne sfolò halayen se kun mogot yóm benwu Israél. Yó sotu tulónen bè yóm kled yóm tau hol geta bè Asirya yóm benwu Israél, hbayaden Minahim tlu folò hitu libu kilu blówón bukay. Yó nmò Minahim kun fen gnaga hbayaden yó kem tau wen kendengen le bè yóm benwu nogoten. Tikóng matay Minahim, yó tles bud geta yóm ngaen boluyen Pikahaya. Bè yóm deng glimuhen folò halay tehe kogot Usiya yóm benwu Juda, yó bud mogot yóm benwu Israél duhen Pikahaya, Matay Pikahaya, hnatay yóm kmandér bè yó kem sendalù boluyen Pika. Ne Pika bud tles geta bè benwu Israél. Yóm igò Pika mogot yóm benwu Israél, botong limu benwu lemnek bè Israél nled yóm tau hol geta bè Asirya. Bud nleden snéen yóm benwu Gilyad ne Naftali ne Galili, ne gotu negefen yó kem tau Israél etu bè Asirya. Hnatay Husiya Pika, ne Husiya bud tles tau hol geta bè Israél. Yóm kbut Husiya mogot yóm benwu Israél, yó deng kegen Jutam ngà Usaya mogot yóm benwu Juda, deng lewu folò halay. Là gomongen bè nili yóm tsaptér 16. Yó tulónen bè nim tsaptér ni, yóm kbut Ahas ngà Jutam mogot yóm benwu Juda, deng sfolò hitu halay Pika ne mogot yóm benwu Israél. Deng lewu folò ne halay Ahas bè yóm kbuten mogot benwu, ne yó kegenen mogot yóm benwu Juda, sfolò nem halay. Nmoen se kun yóm gónón là hligal Dwata. Balù yóm hol kun ngà gbeken demsù du ebè dwata kéng, Tikóng matay Ahas, yó bud tles geta yóm ngaen boluyen Hisikaya.
Nihimaya 9:27 - Udél Dwata: Gna Kesfasad ne Lomi Kesfasad27 Yó gónóm mon, tódô blayem lu elem tdok yó kem hohon le. Okóm timbow deng wen gfà le, yó he kni le tóbóng ebéléem. Ne gungolem dyó bè longit yóm kni le ebéléem ne bnalaem lu. Lemwót bè yóm tey kkoduhem kul, yó gónón wen tau hógówem mò lemwà kul lem tdok yó kem hohon le. Gade chapit la |
Nihimaya 9:27
19 Referans Kwoze
Yó gónóm mon, hlus Dwata yóm tau hol geta bè Babilun mò mundug kul. Yó nmò yóm tau hol geta yó, gotu hfatayen yó kem logi lomi lemnok bélê le. Baluen ke deng le mlóy elem Gónô Dwata, sana gotu khatayen kul lemen. Laen kô dù tau knodu le lenwóten bè kem ngà kkólen bè yó kem deng tuha, kem logi ne kem libun, kem tau wen des le ne kem tau tilob klówó le, gotu hfatayen lu. Tódô lus Dwata lu yóm kdê le elem hólól yóm tau hol geta yó.
Piblisite