Nihimaya 9:26 - Udél Dwata: Gna Kesfasad ne Lomi Kesfasad

²⁶ Okóm yó kem tauhem, Dwata, là kô dog nimón le kóm, deng mom kenbê le uu. Knogol le yóm hlauhem kul. Tódô hnatay le yó kem tugodem gel tô mit kul semfulék ebéléem. Ne deng mom nmò le yó kem alì kenbéem.

Nihimaya 9:26 Referans Kwoze

1 Bok Kem Tau Hol Geta 14:9

Okóm kóm deng tey gedlug yó kem sidek deng gel nmoem senta yó kem dumu tau gna mowil béléem. Deng tey dê dwata kéng nmoem, ne deng hefebutem o mlan bè yóm ketwélem yó kem ngà safì tudu nmoem bè tahu blówón.

Nihimaya 9:18

Wen dwata lenbù tehe nmò le lómón tô ngà safì tudu kmò le du ne mon le yó se yóm dwata tehe lemwà kul gu bè Idyip. Bè yóm nmò le yó, Dwata, tey kehwog le kóm.

Kul Nmò 7:52

Tulón ye do kun,” mon Stéfén, “ke wen sotu tehe tugod Dwata là deng tehe hensidek kem tehe fù tekuy du ekni. Sal tehe gel hnatay le yó kem tau hógów Dwata, yó kem tau tehe gel tmulón yóm angat ksut yóm tau tedeng hógów Dwata. Ne deng sut se yóm hógów Dwata yó, duhen tu sem le eted ye elem tdok yó kem tau mogot kukum. Yu se yóm fen le hbonok du.

1 Bok Kem Tau Hol Geta 19:10

Bnalà Ilaydya se, monen, “Ó Dwata, tey kinì nawaw mimón kóm yóm Dwata laen dù là gbeken du. Okóm yó kem tau Israél, deng nulé le yóm tehe fasad le kóm, deng gotu genbà le yó kem gónó demsù ebéléem, ne deng gotu hnatay le yóm kdê tugodem. Tek són ou dù tebel, ne tô le mebel lan anì hnatay le o.”

1 Bok Kem Tau Hol Geta 18:4

Ne bè yóm kdaw gotu tô khatay Jisébél yóm kdê tugod Dwata, yó nmò Ubadaya botong lematu tugod Dwata bnosen bè yóm lewu kilib. Ket limu folò kebnosen kul, hyu benlayen lu ken ne él.)

Matyu 21:35

Timbow le kól ditu yó kem tau dóken, deng mom yó nmò le bélê le, tódô sensogot le lu. Tey sidek kboug le yóm sotun, ne hnatay le yóm sotuhen, ne sentudà le botu yóm sotuhen.

Kem Lingón 50:17

Yakà deng kenbê ye du yó kem dou hlolò kuy, ne là kô hnungol ye du yó kem dou udél ebélê ye.

Nihimaya 9:30

Deng tey hilu halayen ne yóm tendo khanayem nawam lem blóng le. Kóm Tulus se fen gel hudél yó kem tugodem, okóm deng le mom hbokong yó kem tauhem. Yó gónóm mon, bud hlusem lu elem hólól yó kem tólóng but tau.

2 Tutul Israél 36:16

Okóm deng mom hennê le yó kem tugod Dwata yó kem tau, là kô hnungol le kul, mom knuli le lu, efet là bud gbek Dwata hembala nawan, ne laen kô dù bud lan le gewà bè yóm kebuten kul.

2 Bok Kem Tau Hol Geta 21:11

“Deng nmò Manasi yóm tau hol geta bè Juda yó kem nmò alì kenbê, nmoen yóm alì sidek senta yó kem sidek tehe nmò yó kem tau Amurayt, yó kem tau tehe gna nô ta nim tonok ni gu laanu là deng bemlay du bè yó kem tau Israél. Deng niten tmaba ebè dwata kéng yó kem tau bè Juda.

1 Bok Kem Tau Hol Geta 18:13

Là tulón le du kóm kô, Sér, yóm tehe tô gotu khatay Jisébél yóm kdê tugod Dwata, lematu bnosu bélê le, lewu kilib gónóhu hemsù kul, ne bud netedu lu ken he ne él.

Nihimaya 9:29

Deng eles hetgamahem kul, Dwata, yóm angat ktafakem kul ke là nimón le du yó kem hlauhem. Okóm lemwót bè yóm tey keheklabak le, deng mom nulé le yó kem hlauhem igò le temngón du lemwót bè yóm kimón le du gónó le mowil. Tey kem tau mgel kulu, deng mom knogol le uu, là kô dog hnungol le kóm.

Jirimaya 2:30

Deng tnafaku yó kem ngà ye, okóm là kô le medlà. Là kô le mimón. Bud yu se yó kem tau tendo gel hmatay yó kem tau tugodu, lómón ke yu yóm liyun tendo módód msék.

Jirimaya 32:23

Okóm bè yóm kkól yó kem tehe fù me na le e kwa yóm tonok ni là kô bud nimón le kóm, deng mom kenbê le yóm kóm hlau. Là kô nmò le du yó kem hloloem kul. Yó se gónóm heglumfak du kul nim tey hlayam le ni.

Jirimaya 42:19

Ó kem dù tau tebel bè Juda, hol ye hmungol. Deng mon Dwata mò kuy, ‘Hol bê ye abay mógów ebè Idyip.’ Hol bê ye abay klifót nim eles hetgamahen kuy ni.

Dwata 32:14

Yó kem safì le ne yó kem kambing le, tey wen gatas nwa le bélê le. Hono hyu yó kem ubiha le ne kem kambing le ne kem safì le. Alì hyu yóm halay le ne tey mgélék yóm tifas grép gel ninum le.

Dwata 32:15

Yó kem tau Dwata, deng le gotu baling tau mdengen. Okóm deng mom kenbê le Dwata. Gotu le mabù, mo le mom hemnobò lan le alì mken. Deng knogol le Dwata, yóm tehe mifil kul. Kenbê le Dwata, yóm hol gembek lemwà kul.

Jirimaya 2:7

Bè yóm tehe kwitu kuy eta yóm tey tonok tembas gónó ye hligal mken du yó kem hyu tmowok tahen, deng mom nmò ye yóm sidek ta nim tonok ni, yóm tonok deng tehe fasadu kuy.