Nihimaya 9:25 - Udél Dwata: Gna Kesfasad ne Lomi Kesfasad

²⁵ Deng gwa yó kem tauhem yó kem syudad alì mbegel ne yó kem tonok alì tembas. Gwa le snéen yó kem gónô deng tódô ket du nô lemen ne eles mdengen se kokol le. Tódô glo le bè yó se yó kem tey genged bungu koyu, kem bungu grép ne yó kem bungu koyu ulib ne yó kem dumu koyu mungu. Laen dù gónó le élél bè ken, yó gónó le gotu baling mabù. Tey gsengel nawa le du yóm kdéen hyu deng blayem kul.

Nihimaya 9:25 Referans Kwoze

Dwata 32:15

Yó kem tau Dwata, deng le gotu baling tau mdengen. Okóm deng mom kenbê le Dwata. Gotu le mabù, mo le mom hemnobò lan le alì mken. Deng knogol le Dwata, yóm tehe mifil kul. Kenbê le Dwata, yóm hol gembek lemwà kul.

Nihimaya 9:35

Balù bè yóm kdaw tehe kogot le yóm kul benwu, tey kehyu nawa le du yóm tey tonok hyu lelen lamang deng blayem kul. Ewenem yó, là kô dog nmò le du yóm kóm kóyô ne là kô knogol le du yó kem sidek nmò le.

Husiya 3:5

Okóm kogolen bè yó angat le bud semfulék ebè yóm sana kul Dwata hol gónó mogot yó kem tau Israél. Bud le semfulék ebè yóm tau sfu Dabid mò mogot kul. Lemwót bè yóm tey klikò le ke Dwata, angat tódô setbol kkel le bè yóm bud kesfulék le ebéléen, bede angat guta le yó kem hyu angat tóbóngen kul elem hulin kdaw.

1 Bok Kem Tau Hol Geta 8:66

Timbow deng yóm kehligal le yó, omin Selumun gotu hulék kul. Bè yóm kulék le tey kdóyón le ke Dwata bè yóm tau hol geta le, abay se lemwót bè yóm alì kehyu nmò Dwata bè tehe Dabid yóm tau tóbóng lówóhen, dalang se bè yó kem tauhen Israél.

Dwata 32:13

Hogoten yó kem tauhen yó kem benwu gu lem bulul ne yó lowil le yó kem hulu nmò le bè yó kem tniba le. Wen tneb hkenen kul nwa le lem blóng yó kem botu lembang. Ne yó kem koyu ulib le tódô le tmowok bè yó kem lusok botu.

Sulat Pol Ebè Yó Kem Tau Hemtahu Bè Rom 2:4

Déke yó hendemem là kô tnafaken kóm, abay se tey hyu nawa Dwata, là mahilen tmakas, ne tey manay nawahen. Là kô yó du. Igò yó gónó Dwata hemyu kmoen ebéléem anì wen lanen mit kóm hegsel.

Husiya 13:6

Okóm timbow ye deng gusek bè yóm tey tonok hyu ne deng wen ken ye ne deng ye bsow, deng ye mom baling hegmón, deng mom klifót ye o.

Jirimaya 31:14

Tendo wen tey ken hyu blayu ebè yó kem tau blóng ebéléu ne hegsengelu nawa yó kem tauhu lemwót bè yóm tey hyu blayu kul. Ou se Dwata nim mudél ni.”

Isaya 6:10

Omin Dwata bud mon du mò do, “Yó kem tau alì mgel kulu le yó, henbalingem lu tau là hulungen hedem. Hol hbokongem lu, hol hbutóem lu anì là getnef le du lanen yóm ton le ne yóm gungol le. Abay se ke getnef le, déke beklil le ebéléu na le e hkó béléu salà le.”

Kem Lingón 65:11

Tey wen nuta lemwót bè yóm tey kehyu nmoem. Balù kihu gónóm e solu, Dwata, tendo tey wen hulu gel nuta le.

Kem Udél Hlalak Tehe Selumun 30:9

Déke alì wen gónóhu ma ne mom knogolu u ne monu laen dù muhu kóm. Senged se ke éléle déke gnagawe ne henyaku u Dwata.”

Isaya 63:7

Angat tulónu yóm là kilihen yóm kbong nawa Dwata tekuy. Tey kdóyónu du lemwót bè yóm deng nmoen bélê tekuy. Tey któbóng Dwata yó kem tau Israél lemwót bè yóm alì kkoduhen kul ne yóm là kilihen yóm kbong nawahen kul.

Dwata 32:14

Yó kem safì le ne yó kem kambing le, tey wen gatas nwa le bélê le. Hono hyu yó kem ubiha le ne kem kambing le ne kem safì le. Alì hyu yóm halay le ne tey mgélék yóm tifas grép gel ninum le.

1 Bok Kem Tau Hol Geta 14:9

Okóm kóm deng tey gedlug yó kem sidek deng gel nmoem senta yó kem dumu tau gna mowil béléem. Deng tey dê dwata kéng nmoem, ne deng hefebutem o mlan bè yóm ketwélem yó kem ngà safì tudu nmoem bè tahu blówón.

Kem Lingón 105:44

Tódô blayen kul yóm tonok tólóng tau deng hnulenen, tles hfunen kul yó kem hulu le.

Jirimaya 2:7

Bè yóm tehe kwitu kuy eta yóm tey tonok tembas gónó ye hligal mken du yó kem hyu tmowok tahen, deng mom nmò ye yóm sidek ta nim tonok ni, yóm tonok deng tehe fasadu kuy.

Jirimaya 32:23

Okóm bè yóm kkól yó kem tehe fù me na le e kwa yóm tonok ni là kô bud nimón le kóm, deng mom kenbê le yóm kóm hlau. Là kô nmò le du yó kem hloloem kul. Yó se gónóm heglumfak du kul nim tey hlayam le ni.