Nihimaya 9:22 - Udél Dwata: Gna Kesfasad ne Lomi Kesfasad

²² Tey dê kem benwu mbegel gónóm hegmò kul, gomong yóm dê but tau nô lemen. Deng eles wen kem benwu mayuk tehe eles tgamahem kul, duhen yó sem tonok Hisbun, yóm benwu nogot Sihun ne tonok Basan yóm benwu nogot Ug.

Nihimaya 9:22 Referans Kwoze

Kem Lingón 105:44

Tódô blayen kul yóm tonok tólóng tau deng hnulenen, tles hfunen kul yó kem hulu le.

Kem Lingón 78:65

Omin Dwata yó he hetngón, lómón ke tau lomi btik, hol lómón kmoen yóm tau lóbô deng btik bè klengelen.

Juswa 10:11

Bè yóm igò le mlóy mosol yó kem tau Amurayt, yó nmò Dwata hetbóhen eta le yóm tey bulók kulón. Ngangen hetbó du eta le efet le kól ditu bè benwu Asika. Tey dê bélê le matay bè bulók kulón senta yóm kul hnatay yó kem tau Israél.

Dwata 32:26

Yó tô hendemu gotu sulék genlau lu anì laen dù bud hemtulón nawa kul.

Dwata 1:4

Yóm ktulónen du kul yó, kogol yóm kegmò Musis bè le Sihun yóm tau hol geta bè yó kem tau Amurayt mogot yóm benwu Hisbun ne Ug bè Basan yóm tau hol geta mogot bè yó kem benwu boluy le Astarut ne Idri.

Jirimaya 32:23

Okóm bè yóm kkól yó kem tehe fù me na le e kwa yóm tonok ni là kô bud nimón le kóm, deng mom kenbê le yóm kóm hlau. Là kô nmò le du yó kem hloloem kul. Yó se gónóm heglumfak du kul nim tey hlayam le ni.