Nihimaya 9:20 - Udél Dwata: Gna Kesfasad ne Lomi Kesfasad

²⁰ Tey hyu yóm gel tolokem kul mlan bè Tulusem. Là kô tenflokem du yóm mana gel hkenem kul dalang se yóm él gel hinumem kul.

Nihimaya 9:20 Referans Kwoze

Kem Lingón 143:10

Tolokem o mò du yóm kóm kóyô, yakà uu du yóm do Dwata. Yó hem Tulusem he fen malak do anì laen dù gfau.

Lista 11:17

Mnaule elaan naw e stulón kóm bè yó. Wen yóm Tulusu tehe suu béléem, wen nwahu bè yóm Tulusu yó mò suu bélê le anì yó, tnóbóng le uu fen malak kul ni kem tey tau ni anì là tek són du uu fen malak kul.

Kun Snulat Jan 4:10

Ne bnalà Jisas se yóm libun yó koni, monen, “Ke deng tngónem yóm tô blay Dwata kóm, ne ke tngónem yóm tau mni él béléem, dengi bud semwì mni él béléen ne anì benlayen uu yóm él hlowil tau.”

2 Pitér 1:21

Abay se yóm tehe eles gel tulón le yó, là kóen lemwót bè kehedem tau, okóm bè Dwata gónóhen hol lemwót, yóm Tulusen fen hemlan du bélê le bè yóm kehtugod Dwata du kul.

Isaya 48:21

Bè yóm tehe kalak Dwata yó kem tauhen ekni, mlan le bè yóm tey benwu kinì alì sidek kékéng tonoken. Ewenem là kô le glayam mlan bè kleeng le. Tódô hesut Dwata gu lem botu yóm mò él le. Tódô heskangen yóm tey botu bong, tódô hesut gu lemen se yóm tey él.

Ifisus 5:9

Wen tey bunguhen yóm deng knô tekuy lem layag yó, duhen yóm hyu kmò tekuy bè kem dumu tekuy, ne yóm ktedeng tekuy, ne yóm kimón tekuy du yóm ktahuhen.

Kun Snulat Jan 4:14

Okóm yóm tau minum yóm él dou blay, là kóen na a bud meeng. Yóm él blayu yó, baling sfut él mò gónó gmuta yóm klowil laen dù sónen.”

Kem Lingón 105:41

Sotu kdaw bè yó, tódô hesuten gu lem yóm botu bong yóm tey él mlel mò ninum le, tódô hlelen elem yóm benwu là hyu menwu du.

Juswa 5:12

Bè yóm kdaw yó laen dù bud mana btang ebélê le ne là se bud ton le du ne yóm mana yó. Tódô lenwóten bè yóm kdaw yó, són ken le yó kem hulu tmowok bè Kanan.

Kehewà 17:6

Gnahe bélê ye ditu bè Bulul Sinay, tódóe mdà bè yó te botu. Nfesem yóm botu yó, tódô wen él msut gu du mò ninum yó kem tau.” Tahu se, nmò Musis nim ni bè solu yó kem tau gel malak yó kem tau Israél.

Kehewà 16:15

Bè yóm kton le du yó kem tau Israél, là kô tngón le du ke tedu yóm yó ne gotu le ssólók, mon le, “Tedum ni?” Mon Musis se mò kul, “Ni se yóm ken blay Dwata kuy mò ken ye.

Nihimaya 9:30

Deng tey hilu halayen ne yóm tendo khanayem nawam lem blóng le. Kóm Tulus se fen gel hudél yó kem tugodem, okóm deng le mom hbokong yó kem tauhem. Yó gónóm mon, bud hlusem lu elem hólól yó kem tólóng but tau.

Sulat Pol Ebè Yó Kem Tau Hemtahu Bè Rom 15:30

Wen hol gónóhu htóbóng bélê ye, kem dumuhu setwoli, hlanu bè Jisas Krays yóm gónó tekuy mogot, ne bè yóm kesbong tekuy nawa lemwót bè yóm Tulus Dwata. Yó hentóbóngu bélê ye, hol tnóbóng ye o mni bè Dwata,

Isaya 49:10

Laen dù bud angat gónó le bitil ne laen kô dù bud gónó le meeng. Balù yóm alì sidek kkinien bè yóm benwu là hyu menwu du, là kô gehsideken kul abay se eles nalaken lu yóm kembong nawa kul. Angat gel nalaken lu ebè yó kem tbul él.

Kehewà 16:35

Botong fat folò halay kegen le mken mana yó kem tau Israél efet le kól bè Kanan, yóm benwu hlós gónó le henek nô.

1 Kurin 10:3

Ne gotu le se gbót mken du yóm ken blay Dwata kul, ne ninum le se yóm él blayen kul. Gotu le se minum du yóm él hsut Dwata gu lem botu.

Hagay 2:5

Bè yóm tehe kehewà yó kem fù ye gu bè Idyip, tehe fasadu kul yóm tendo eles knóu bélê le. Senged se nim kmoen ni, elese tendo gel nô bélê ye. Yó gónóm mon, hol bê ye abay hlikò. Là buden legen ne yóm angat ksinsigu longit ne tonok ne mohin.

Kehewà 16:4

Omin Dwata mon du mò ke Musis, “Wen ken hkulónu gu bè longit mò ken yóm kdê ye. Lemwót yó kem tau, ket kdaw le hewà na le e ma mò ken le bede olon sfeng bè sendaw yóm gel nwa le. Bè nim hlolou kul ni gónóhu tmilów kul ke glolò le yóm hlolou kul.

Kehewà 17:3

Okóm yó kem tau tey kleeng le, tódô henlós le tendo mò du yóm tmalaw ebè Musis. Yó mon le, “Moen de ke tehe nwitem mi gu bè Idyip? Ilóem tô hnatayem mi ne yó kem ngà me ne yó kem ógóf me bè kleeng?”