Nihimaya 9:15 - Udél Dwata: Gna Kesfasad ne Lomi Kesfasad

¹⁵ Bè yóm tehe kbitil le, wen ken blayem kul gu bè longit ne bè yóm tehe kleeng le tódô wen él hesutem gu lem botu. Deng tehe hógówem lu anì nwa le yóm tonok deng fasadem kul.

Nihimaya 9:15 Referans Kwoze

Dwata 1:8

Yóm kdê benwu monu ni, ni se yóm tonok deng tehe fasadu yó kem tehe fù ye le Abraham ne Isak ne Jakub ne bè kdê yó kem semfu gu bélê le. Mógów ye etu ne henek ye tahen.’ ” Là gomongen bè nili yóm tsaptér 1:9 efet kól bè tsaptér 3:29. Yó tulónen bè ni kem tsaptér ni yóm ktutul Musis du bè yó kem tau Israél yóm tehe kewót le gu bè Idyip. Ke móyô ye semfala du bè Tboli yóm tulónen, gbek ye semfala du bè ni kem bok nii abay se senged yóm tulón le. Kehewà 18 Kélék le yó kem tau kmukum bélê le Lista Israél 11 Knô le lem yóm benwu laen hol wen tauhen Lista Israél 13 Yó kem tau na a hemkana bè Kanan Lista Israél 14 Ksonol le ke Dwata yó kem tau Israél Lista Israél 20 Là kehlus Dwata ke Musis hlós ebè Kanan Lista Israél 21 Kegmò le bè le Sihun ne Ug Lista Israél 32 Yó kem tau Israél fen menwu fi dmata kdaw Él Jurdan

Kehewà 17:6

Gnahe bélê ye ditu bè Bulul Sinay, tódóe mdà bè yó te botu. Nfesem yóm botu yó, tódô wen él msut gu du mò ninum yó kem tau.” Tahu se, nmò Musis nim ni bè solu yó kem tau gel malak yó kem tau Israél.

Kehewà 16:4

Omin Dwata mon du mò ke Musis, “Wen ken hkulónu gu bè longit mò ken yóm kdê ye. Lemwót yó kem tau, ket kdaw le hewà na le e ma mò ken le bede olon sfeng bè sendaw yóm gel nwa le. Bè nim hlolou kul ni gónóhu tmilów kul ke glolò le yóm hlolou kul.

Kem Lingón 114:8

Yóm botu, gbek Dwata hembaling du busung él. Tahu se, wen él semfut gu bè yóm tey botu bong.

Dwata 8:3

Sotu tehe tilówen kuy, hbitilen yu ominen yó wen mana blayen kuy mò ken ye, yóm ken là deng hnikót ton ye du dalang se yó kem tehe fù ye. Yó gónón mò du yóm yó mò gónó ye temngón du là olon du bè ken gónón mowil tau, okóm mowil le bè kdéen yóm udél Dwata.

Nihimaya 9:20

Tey hyu yóm gel tolokem kul mlan bè Tulusem. Là kô tenflokem du yóm mana gel hkenem kul dalang se yóm él gel hinumem kul.

Lista 14:30

Deng tehe fasaden kuy se yóm angat knô ye ditu okóm laen dù bélê ye gehlós edu, tek són le Kalib yóm ngà Jifuni, lewu le Juswa yóm ngà Nun.

Tekang Kbuten 14:22

Bnalà Abram se, monen, “Smafae ebè yóm Dwata hol geta bè kdéen, yóm Dwata tehe mò longit ne tonok,

Kehewà 6:8

Angat nwitu yu ebè yóm benwu tehe fasadu ke Abraham ne Isak ne Jakub. Blayu kuy yóm benwu yó mò hol kuy nfun. Ou se yóm sana Dwata hol gónó mogot mon du nim ni.’ ”

Kehewà 17:3

Okóm yó kem tau tey kleeng le, tódô henlós le tendo mò du yóm tmalaw ebè Musis. Yó mon le, “Moen de ke tehe nwitem mi gu bè Idyip? Ilóem tô hnatayem mi ne yó kem ngà me ne yó kem ógóf me bè kleeng?”

Isaya 48:21

Bè yóm tehe kalak Dwata yó kem tauhen ekni, mlan le bè yóm tey benwu kinì alì sidek kékéng tonoken. Ewenem là kô le glayam mlan bè kleeng le. Tódô hesut Dwata gu lem botu yóm mò él le. Tódô heskangen yóm tey botu bong, tódô hesut gu lemen se yóm tey él.

Jirimaya 32:23

Okóm bè yóm kkól yó kem tehe fù me na le e kwa yóm tonok ni là kô bud nimón le kóm, deng mom kenbê le yóm kóm hlau. Là kô nmò le du yó kem hloloem kul. Yó se gónóm heglumfak du kul nim tey hlayam le ni.