Nihimaya 9:14 - Udél Dwata: Gna Kesfasad ne Lomi Kesfasad

¹⁴ Deng hetfingem bélê le yóm sotu kdaw mò kdaw le hegnô. Ne wen dumu hlauhem kul hlanem bè Musis yóm tau tóbóng lówóhem.

Nihimaya 9:14 Referans Kwoze

Tekang Kbuten 2:3

Ne wen oluhen du yóm ghituhen kdaw yó, htólóngen mò kun abay se hegnô bè yóm kdaw yó bè yóm kedlimunen du yóm kentihen.

Kehewà 16:29

Hol bê ye abay klifót, ou se yóm sana Dwata hol gónó ye mogot, deng blayu kuy yóm ghituhen kdaw mò kdaw ye hegnô. Yó gónóhem mon bè yóm gnemen kdaw, hbongu yóm ken blayu kuy anì kóyów bè lewu kdaw. Bè yóm ghituhen kdaw yó, tódô ket tau henek bè kun gónô ne hol béen abay tebel yóm gónóen yó.”

Kehewà 16:23

Yó mon Musis mò kul, “Yó hloloen kuy yóm sana Dwata hol gónó mogot, haya yóm Kdaw Kehegnô hol hetfing ye ebéléen yóm kdaw yó. Eles tnétê ye kemdaw ni yóm kuy nóyô tnétê ne eles tnógó ye ni yóm kuy nóyô tnógó. Ke wen dù tebel, hol henyu ye mò ken ye haya.”

Kun Snulat Jan 1:17

Bè yóm tehe keblay Dwata yóm hlau ekni, hlanen bè Musis. Okóm bè yóm kehegfanen du yóm hol klinggel nawahen ne yóm hol ktahuhen, hlanen bè Jisas Krays.

Nihimaya 1:8

Hentulónem nawa yóm tehe monem mò ke Musis ekni, ‘Ke monol nawa ye ebéléu yu kem tau Israél, gotu senklahu yu elem blóng yó kem tólóng but tau bè dumu benwu.

Dwata 5:31

Okóm kóm, budi mulék ebéléu bè ni, naw na gotu tulón kóm yóm kdê hlauhu kul ne yó kem hlolou kul. Tolokem yóm kdéen tau Israél anì yó, nimón le sok le nô ta yóm tonok blayu kul.’ Tu se,” mon Musis, “yóm tehe udél Dwata ebéléu.

Dwata 4:5

Deng gotu toloku yóm kdê hlau Dwata kuy, lómón yóm deng monen mò dou yóm sana Dwata hol gónóhu mogot. Hol nimón ye ke deng ye kól ta yóm tonok móyón hfun Dwata kuy.

Kehewà 24:12

Sotu kdaw, yó bud mon Dwata mò ke Musis, “Budi mneged edini béléu ta bulul, nahem na legen bè ni. Bè yóm igoem nô bè ni wen lewu botu kufil blayu kóm, botu gónóhu deng smulat yó kem hlolou yó kem tau Israél.”

Hlolò 19:3

Yóm ket sotu bélê ye, hol nadaten maen ne yéen ne hol loloen yóm hlolò bè Kdaw Kehegnô lómón yóm deng hlolou kuy. Ou se yóm sana kuy Dwata hol gónó mogot.