Biblia Todo Logo
Bib sou entènèt

- Piblisite -




Nihimaya 9:13 - Udél Dwata: Gna Kesfasad ne Lomi Kesfasad

13 Ditu bè Bulul Sinay gónóm tehe mnaul ebélê le lemwót gu bè longit ne bè yó gónóm mudél ebélê le. Wen tey hlau tedeng blayem kul ne wen tey hyu hloloem kul.

Gade chapit la Kopi




Nihimaya 9:13
27 Referans Kwoze  

Hono tahu yó kem udélem, laen kô tul sónen yó kem hlauhem hono tedeng.


Omin Dwata mudél ebè yó kem tau, monen,


Eles le hol htifes bè yóm kehloni le ebéléu lewu ni abay se mnaule elaan bè Bulul Sinay, bè yó gónó le gotu mton do yó kem tau.


Ke kenbéu yóm sidek gel nmou, yó se gónón gfan yóm kegmungu bè yóm hlau Dwata.


Tódô tonu Dwata yóm hol mólós, hlalak gu lem yóm benwu laen hol wen tauhen, lemwót gu bè Idom ne bud mlan bè yó kem bulul bè Paran. Tódô tfeng longit yóm tey keslinangen ne tfeng tonok yóm kdê tau dmóyón du.


Lómón yó se yóm tehe nmoem ekni, tódói sut lem blóng me ne tey tehe sidek knikò yóm hetnga nmoem. Gbót le likò se kul yó kem bulul, gotu le megsinsig.


Ó Dwata, moen de ke là tódô kenséem du yóm longit anì mnauli elaan? Ke yó se nmoem, gotu ton le u yó kem bulul ne tódô le megsinsig lemwót bè klikò le.


Ó Dwata, tey ktedengem, ne tey tedeng yó kem hlauhem.


“Hesut gu bè Bulul Sinay yóm sana Dwata hol gónó mogot. Lómó khesuten lómón khesut yóm kdaw eta benwu Idom. Lenwóten bè Bulul Paran, mnóng ebè yó kem kun tau. Botong sfolò libu hógówen mung du ne wen yóm ofi tendo dmilóf fi bè sigel kwananen.


Bè yó ta yóm bulul yó, tódô suyó bélê ye Dwata lemwót gu lem yóm tey ofi.


Deng wen kô dumu tau tolo mowil ke deng gungol le yóm udél Dwata ebélê le gu lem yóm dilóf ofi lómón yóm kudélen ebélê ye? Laen duen.


Laen dù dumu but tau balù nô kwen le ke wen mdengen hlau tedeng nô lem blóng le lómón yó kem hlau deng toloku kuy kemdaw ni.


Yó mon Musis mò kul, “Yó hloloen kuy yóm sana Dwata hol gónó mogot, haya yóm Kdaw Kehegnô hol hetfing ye ebéléen yóm kdaw yó. Eles tnétê ye kemdaw ni yóm kuy nóyô tnétê ne eles tnógó ye ni yóm kuy nóyô tnógó. Ke wen dù tebel, hol henyu ye mò ken ye haya.”


Hfungolen kuy yóm udélen gu bè longit mò gónón semtódô kuy. Ne dini talak tonok tehe hegfanen bélê ye yóm tey ofi lemwót gu bè yóm gónón mudél.


Deng wen hmoem kum, Dwata, duhen yóm hol kimón me yó kem hlauhem kum.


Nim Isra ni, tey temngón, gotu tngónen yóm kdê hlau tehe hsulat Dwata ke Musis, yóm hlau yóm kul Dwata yó kem tau Israél. Lemwót bè yóm któbóngen ke Isra yóm sana kun Dwata hol gónó mogot, tódô gotu blay Artasérksis du yó kem kdê hnihen wen muhen du bè yóm kuléken ebè Jirusalim. Bè yóm ghituhen halay mogot benwu Artasérksis, kewót Isra bè yó bè Babilun mógów ebè Jirusalim mung du yó kem dumu tau Israél. Wen kem tau gel blóng ebè Dwata mung du ne wen se kem sfu Libay ne yó kem tau gel semngal lem Gónô Dwata ne yó kem tau fen gel mentey bè Gónô Dwata ne yó kem tau gel mò nmò lemen, gotu le mung ke Isra ebè Jirusalim.


Swiv nou:

Piblisite


Piblisite