Nihimaya 9:12 - Udél Dwata: Gna Kesfasad ne Lomi Kesfasad

¹² Yó kem tauhem yó, wen lobun htukóem gna kul ke kemdaw mò gónó le galak ne ke kifu wen ofi mò hlayag lan le.

Nihimaya 9:12 Referans Kwoze

Nihimaya 9:19

Okóm lemwót bè yóm kkoduhem kul, là tódô bayaem kul matay ditu lem yóm benwu laen hol wen tauhen. Là kô kóhem du bélê le yóm lobun malak kul ke kemdaw, dalang se yóm ofi mò hlayag kul ke kifu.

Kem Lingón 143:8

Hol hfungolem do hlafus yóm là konolen yóm kbong nawam do, yakà són uu genléd nawaw. Tolokem do yóm nóyô hlanem do, yakà són uu du gónóhu mni.

Kem Lingón 107:7

Nalaken lu ebè yóm lan tedeng bè yóm benwu knóón mò gónó le menwu.

Kem Lingón 105:39

Bè yóm kalak Dwata kul, wen lobun eles tendo gmolung kul ke kemdaw, ne ke kifu, wen tey ofi nô talak kmawang mò lemayag ebélê le.

Kem Lingón 78:14

Ke kemdaw, nalaken lu mlan bè lobun, ne ke kifu, nalaken lu mlan bè yóm nóng ofi tukô gna kul.

Kehewà 15:13

Tey tilob kalakem kul yó kem tau deng lenwaem, hol lómón yóm tehe fasadem kul. Mlan bè kgisem gónóm gemwit kul ebè yóm kóm tonok deng tehe fasadem kul.

Lista 9:21

Wen se kdawen olon suloyen nô ta yóm Gónô Dwata yóm lobun yó. Balù kemdaw ne duhen ke kifu ke haway eta yóm lobun tódô le bud lemwót se kul yó kem tau Israél. Ket khawayen eta, ket kewót le se kul.