Nihimaya 9:11 - Udél Dwata: Gna Kesfasad ne Lomi Kesfasad

¹¹ Deng tehe tódô wen lan nmoem lem mohin mò lan yó kem tauhem ne deng nwitem lu lemen mlan le bè gónón mékéng tonok. Okóm yó kem tau kemtes kul, gotu henebem lu bè yóm tey mohin nelem. Gotu le lemneb, lómón kmò le lómón ke lemneb etlaan yóm botu bè yóm tey lewók mohin.

Nihimaya 9:11 Referans Kwoze

Kem Lingón 78:13

Senkóhen bè gónón sóól yóm mohin anì gotu le mlan lemen, ne tódô segbusung eta yóm él lómón ke mdà beng.

Hibru 11:29

Bè yóm tehe klóy le gu bè Idyip yó kem tau Israél, lemwót bè yóm kehtahu le bè Dwata gónó le gemgifal du yóm Mohin Hulô, hol lómón ke tahu lan yóm lolò le. Okóm yóm kul klan lemen yó kem tau Idyip kemtes kul, deng le mom gotu lemneb lan Dwata bud hulék du yóm él sbusung.

Kem Lingón 66:6

Deng wen lan nmoen hlalak lem Mohin Hulô, omin le mifal du yó kem kun tau. Géhél ye dé, hol hnigal tekuy yóm Dwata gembek mò du nim ni.

Deng Hegfan 18:21

Ominen lemwót yóm sotu hógów Dwata alì kemgis, nwahen yóm botu kbongen yóm botu bong gónó le gel gmaling, ne tódô tudaen elem mohin, yó monen, “Hol lómón ni se yóm deng ktudà Dwata du yóm tey syudad Babilun yó. Là kô bud tonem du ne.

1 Kurin 10:1

Wen tô hegbelu bè nawa ye, kem dumuhu setwoli, lemwót bè yóm kul kmò yó kem tehe fù me nalak Musis ekni. Bè yóm tehe kógów le, gotu le hgolung bè yóm lobun hógów Dwata mò gónó le galak. Bè yóm kkól le bè yóm Mohin Hulô, gotu le se mifal du, ne laen se dù gfà le.

Kehewà 14:14

Tódô ye henek abay se Dwata mit kul sfatay.”

Kehewà 14:25

Gotu hegebengen yó kem kliling klitun le anì mgel bélê le mógów. Yó udél yó kem tau Idyip yó, mon le, “Géhél tekuy mdó bè ni. Dwata se yóm deng semfatay tekuy ne tey kfihen yó kem tau Israél.”

Kehewà 14:29

Okóm kul yó kem tau Israél, deng le gotu mlan gu lem mohin bè gónón mékéng tonok, tódô sbusung sfatà kilil yóm tey él.

Jirimaya 32:20

Bè yóm gnan kdaw, tey wen yó kem hentaw ton tehe nmoem bè yó bè Idyip. Ne efet yóm kmoen ni tendo wen gel nmoem bè ni bè benwu Israél dalang se bè yóm kdê dumu benwu bè klamangen. Yó gónóm mon, tey tótól yóm kóm boluy efet yóm kmoen ni.