Nihimaya 8:8 - Udél Dwata: Gna Kesfasad ne Lomi Kesfasad

⁸ Senfala le bélê le yóm hlau Dwata ne hegtukul le bélê le yóm lanen.

Nihimaya 8:8 Referans Kwoze

Kul Nmò 28:23

Tahu se, na le na bnuteng yóm bud kesbung le ebè Pol. Timbow hto yóm buteng le yó, ya tey kwen le bud sbung ebè yóm gónô gónó Pol nô. Tódô sendaw le nô bè yó lemwót hlafus kól kifu. Gotu tulón Pol kul yóm kmò kogot Dwata tau. Ne gel wen nwahen lemwót bè yóm hlau Musis, ne wen se gel nwahen bè udél yó kem gna tugod Dwata ekni mò gónón heglileb du bélê le yóm tulónen gbak ebè Jisas.

Kun Snulat Luk 24:45

Ominen yó heglileb du kul yóm tehe deng hsulat Dwata yó,

Kun Snulat Luk 24:32

Ne tódô le stulón, mon le, “Kô mon se ke alì te gduf hmungol du mulit lan yóm igoen hetngón du kut yóm tennefen yóm tehe gel hsulat Dwata ekni.”

Kun Snulat Luk 24:27

Ne gotu hetngón Jisas kul yóm gónón e temnef yóm tehe gel hsulat Dwata ekni gbak ebéléen, kewóten bè yóm tehe snulat Musis efet kól bè yóm kul snulat yó kem dumu tau tugod Dwata ekni.

Hbakuk 2:2

Ominen malà do Dwata, monen, “Snulatem bè botu kufil yóm htonu kóm ni, bede hbongem ksulatem du ne htatawem anì mahil kesfalahen du yóm tau mlóy mit tulón anì tulónen bè kihu tau.

Nihimaya 8:7

Omin le gotu bud hebkó mdà ne wen kem sfu Libay tmulón du kul lanen yóm hlau yó. Yó boluy le Jéswa ne Bani ne Siribiya ne Jamin ne Akub ne Sabitay ne Hodiya ne Maasiya ne Kelita ne Asariya ne Jusabad ne Hanan ne Pélaya.

Nihimaya 8:9

Timbow gungol yó kem tau yóm tehe hlau Dwata kul tódô le gotu mkik. Okóm mudél ebélê le Nihimaya yóm gubérnor, anì là bud le mkik. Bud mudél ebélê le Isra yóm tau gel blóng ebè Dwata, yóm alì temngón du yó kem hlau Dwata, dalang se yó kem sfu Libay gel hemlan du bélê le yóm hlau Dwata, bud le mudél ebélê le se kul, mon le, “Yóm kdaw ni, kdaw deng hetfing tekuy ebè Dwata yóm sana kut Dwata hol gónó mogot. Hol bê tekuy abay bud mkik.

Nihimaya 8:12

Tahu se, gotu le mulék ebè gónô le yó kem tau. Hligal le mò ken ne wen blay le bè yó kem dumu le. Yó buten yóm kligal le, abay se deng gungol le yóm udél Dwata ne tngón le lanen yóm senfala le bélê le.

2 Bok Kem Tau Hol Geta 23:2

Ominen mógów ebè Gónô Dwata, mung du yóm kdéen tau bè Juda ne kdéen tau menwu bè Jirusalim, kem tau blóng ebè Dwata, ne kem tugod Dwata, ne tódô kdéen tau kewóten bè leneken kkólen bè lebangen gotu mung du. Ominen hgel semfala du bélê le yóm bok lomi ton le lem Gónô Dwata, yóm bok gónóhen nô yóm tehe senfasad le Dwata yóm bnoluy le Bok Fasad.

Nihimaya 9:3

Wen dô tlu udas kegen le mdà bè yó ne wen fen semfala du lem blóng le yóm hlau Dwata yóm sana kul Dwata hol gónó mogot. Ne bud tlu uras le se kegen le bemkas du yó kem salà le ne sbol dóyón le Dwata yóm sana kul Dwata hol gónó mogot.