Nihimaya 8:7 - Udél Dwata: Gna Kesfasad ne Lomi Kesfasad

⁷ Omin le gotu bud hebkó mdà ne wen kem sfu Libay tmulón du kul lanen yóm hlau yó. Yó boluy le Jéswa ne Bani ne Siribiya ne Jamin ne Akub ne Sabitay ne Hodiya ne Maasiya ne Kelita ne Asariya ne Jusabad ne Hanan ne Pélaya.

Nihimaya 8:7 Referans Kwoze

Nihimaya 9:4

Wen seel geta gónó le mdà yó kem sfu Libay, le Jéswa ne Bani ne Kadmiyél ne Sibaniya ne Buni ne Siribiya ne yóm sotu Bani ne Kinani. Hgel le udél le mni bè yóm sana kul Dwata hol gónó mogot.

Malakay 2:7

Yó kem tau gel blóng ebéléu, hyu ke hol tngón le yóm dou kóyô ne ke hol tolok le bè yó kem tau. Ke wen tau móyô temngón du yóm hlau Dwata bélê le gónón smólók, abay se lu hógów yóm Dwata laen dù là gbeken du.

Nihimaya 8:4

Bè yóm kesfala Isra du yóm hlau Dwata yó, mdà ta yóm seel geta deng nmò le bè koyu mò gónón mdà. Wen kem tau mdà bè kwananen. Yó boluy le, Matitiya ne Sima ne Anaya ne Uriya ne Hilkaya ne Maasiya. Yó fen mdà bè iwóngen, Pidaya ne Misaél ne Malkidya ne Hasum ne Hasbadana ne Sikaraya ne Misulam.

2 Tutul Israél 30:22

Tey kdóyón Hisikaya kul yó kem sfu Libay bè yóm tey dê kenhulung hegfan le bè yóm kmò le nmò bè Dwata. Duhen yó, hitu kdaw le mò du yóm kehligal yó. Dsù le yóm dsù mit sefyu ebè Dwata, ne gotu benkas yó kem tau ebè Dwata yó kem salà le bè yóm Dwata yó kem tehe fù le.

Dwata 33:10

Angat lu fen tmolok yó kem kóm tau anì nimón le yó kem hlauhem kul. Bud lu snéen demsù bè yóm gónó gel demsù ebéléem.

2 Tutul Israél 35:3

Yó monen mò yó kem sfu Libay deng hetfing le tmolok yó kem tau Israél, “Yóm Slungan Dwata, là bud sentihang ye du ne, deng nô lem yóm Gónô Dwata hdà Selumun ngà Dabid yóm tau hol geta bè Israél. Yó nmò ye, tódô hotu ye nawa ye mò nmò bè yóm sana kuy Dwata hol gónó mogot ne bè yó kem kun tau Israél.

Nihimaya 8:6

Yó mon Isra mò kul, “Hol dóyón tekuy yóm sana kut Dwata hol gónó mogot yóm Dwata hol dandónen geta.” Tódô kdéen tau gotu hdà le eta sigel le, mon le, “Tahu se. Tahu se.” Omin le gotu mtud bukol bè tonok hegfan le yóm keheglaan le bè Dwata. Yóm uyó le, botong gefet bè tonok.

Nihimaya 8:8

Senfala le bélê le yóm hlau Dwata ne hegtukul le bélê le yóm lanen.

Nihimaya 8:12

Tahu se, gotu le mulék ebè gónô le yó kem tau. Hligal le mò ken ne wen blay le bè yó kem dumu le. Yó buten yóm kligal le, abay se deng gungol le yóm udél Dwata ne tngón le lanen yóm senfala le bélê le.

1 Bok Kem Tau Hol Geta 8:14

Omin Selumun beklil ebè yó kem tau Israél mdà bè yó bè soluhen, ne mni bélê le bè Dwata. Yó monen,

Nihimaya 9:3

Wen dô tlu udas kegen le mdà bè yó ne wen fen semfala du lem blóng le yóm hlau Dwata yóm sana kul Dwata hol gónó mogot. Ne bud tlu uras le se kegen le bemkas du yó kem salà le ne sbol dóyón le Dwata yóm sana kul Dwata hol gónó mogot.