Nihimaya 8:6 - Udél Dwata: Gna Kesfasad ne Lomi Kesfasad

⁶ Yó mon Isra mò kul, “Hol dóyón tekuy yóm sana kut Dwata hol gónó mogot yóm Dwata hol dandónen geta.” Tódô kdéen tau gotu hdà le eta sigel le, mon le, “Tahu se. Tahu se.” Omin le gotu mtud bukol bè tonok hegfan le yóm keheglaan le bè Dwata. Yóm uyó le, botong gefet bè tonok.

Nihimaya 8:6 Referans Kwoze

1 Timuti 2:8

Sok ye gel stifun bè simbahan, kóyóu ke logi yóm fen mni, syan ke logi deng hogoten ke Dwata klowilen, ne laen dù tlek lenbuten, ne laen dù gónón seglius bè kem dumuhen.

Kehewà 4:31

Ne hentahu le. Bè yóm kungol le du yóm deng kton Dwata du yóm tey keglayam le ne yóm deng ksuten lem blóng le mò tmóbóng kul, gotu le mtud bukol ne dóyón le Dwata.

2 Tutul Israél 20:18

Omin Jihusafat mtud uyóhen bè tonok, ne dalang se yóm kdéen tau Juda ne tau bè Jirusalim, bud yó snéen kul nmò, ne dóyón le Dwata.

Deng Hegfan 7:11

Ne mdà le bè yó se kul yóm kdê hógów Dwata gu bè longit. Gotu le mdà hilol yóm gónón myón yóm fen kmamal, ne hilol yó kem tau tuha, ne hilol yó kem fat mtulus. Ne tódô lemwót yó kem gel hógów Dwata, gotu le tódô lemfen bè solu yóm fen kmamal, ne tey kdóyón le du,

Kem Lingón 134:2

Hol hdà ye eta hólól ye etu bè Gónô Dwata, ne hol dóyón ye Dwata.

Tekang Kbuten 24:26

Tódô hegdufok ebè tonok yóm tóbóng lówó Abraham yó, dóyónen Dwata,

1 Tutul Israél 29:20

Omin Dabid mudél ebè kdê yó kem tau deng stifun, monen, “Hol dóyón ye yóm sana kuy Dwata hol gónó mogot.” Tahu se, ya tey kdóyón le ke Dwata yóm kdê le deng stifun bè yó, dóyón le yóm Dwata yó kem tehe fù le. Gotu le kudung, tud le bukol le bè solu Dwata ne bè solu yóm tau hol geta bélê le.

Kehewà 12:27

mon ye mò kul, ‘Ni se yóm kedsù tekuy ebè Dwata bè yóm Kdaw Khius mò gónó tekuy hegfan du yóm kadat tekuy du, abay se tehe niusen yó kem gónô yó kem tau Israél bè Idyip bè yóm khatayen yó kem ngà logi twogu yó kem tau Idyip, okóm fen hlowilen tekuy.’ ” Timbow gungol le yóm udél Musis yó, gotu le mtud bukol yó kem tau Israél, dóyón le Dwata.

1 Pitér 1:3

Hol dóyón tekuy dé Dwata. Du se kun Dwata yóm gónó tekuy mogot Jisas Krays, ne bud Maen snéen. Tódô lemwót bè yóm tey kkodu Dwata tekuy, wen yóm lomi klowil blayen tekuy hlanen bè yóm tehe klowilen ke Jisas Krays gu lem hatay. Ne yó se yóm hendón tekuy yóm klowilen tekuy hulin kdaw snéen.

Ifisus 1:3

Hol tendo gel dóyón tekuy dé Dwata. Du se kun Dwata ne kun Mà yóm gónó tekuy mogot Jisas Krays. Lemwót bè yóm deng kessotu tekuy bè Krays, yó gónón alì tmóbóng tekuy, botong blayen tekuy kdê yó kem hyu lemwót gu bè longit.

1 Kurin 14:16

Ke dóyón tekuy Dwata bè tólóng udél, là kô hen-el le du yó kem dumu tau mung bè yó ke là tngón le du lanen.

Matyu 26:39

Ominen mógów hlayuk udì, ne tódô hegluduk lemfen bè tonok, ne mni bè Dwata, monen, “Ó Mà, ke yó dum gmò, kóhem tahu dé yóm angat tey hlayamu ni. Okóm balù wen se yóm dou kóyô, tódô hendengem yóm kóm kóyô béléu.”

Matyu 6:13

Béem bayà mi ebè yóm tilów mgel, bede hol kenlungem mi bè Seitan.’

Kem Lingón 141:2

Henmóyóem yóm knihu, mò henged boo tilob ntemu ebéléem. Ne yóm kehdau sigelu eta, mò henged dsuu ebéléem ke kimel.

Kem Lingón 63:4

Klawihu mowil, sónmou tendo bemlay slamat béléem. Hdau eta sigelu bè yóm gel knihu ebéléem.

Kem Lingón 41:13

Hol dóyón tekuy Dwata yóm Dwata yó kem tau Israél. Laen kô dù tul sónen yóm gel kdóyón tekuy du. Hol tahu se yó.

Kem Lingón 28:2

Hol hnungolem yóm kehkoduhu béléem yóm igou mni tóbóng béléem, yóm igou hdà hólólu edyó bè yóm kóm gónó nô.

2 Tutul Israél 29:30

Omin yóm tau hol geta ne yó kem genlalen mdók yó kem sfu Libay anì sngal le yóm sngal dmóyón ke Dwata tehe nmò Dabid ne Asaf yóm tau gel wen hton Dwata du. Duhen yó, tey kehligal le dmóyón ke Dwata, gotu le kudung ne mtud le bukol bè tonok, ne tmaba le ebè Dwata.

2 Tutul Israél 6:4

Yó monen, “Hol megdóyón Dwata yóm kum Dwata kem tau Israél. Deng dnohoen yóm tehe fasaden ke Dabid yóm dou mà, bè yóm tehe kmonen du mò du,

Tekang Kbuten 14:22

Bnalà Abram se, monen, “Smafae ebè yóm Dwata hol geta bè kdéen, yóm Dwata tehe mò longit ne tonok,

1 Tutul Israél 16:36

Hol dóyón tekuy Dwata yóm Dwata yó kem tau Israél. Laen kô dù tul sónen yóm kdóyón tekuy du. Omin le gotu mensag yóm kdéen tau, mon le, “Tahu se.” Ne gotu dóyón le Dwata yóm kdê le.

Nihimaya 8:7

Omin le gotu bud hebkó mdà ne wen kem sfu Libay tmulón du kul lanen yóm hlau yó. Yó boluy le Jéswa ne Bani ne Siribiya ne Jamin ne Akub ne Sabitay ne Hodiya ne Maasiya ne Kelita ne Asariya ne Jusabad ne Hanan ne Pélaya.

1 Tutul Israél 29:10

Omin Dabid dmóyón ke Dwata lem blóng yó kem tau deng stifun ebè yó, yó monen, “Ó Dwata yóm Dwata yóm fù me Israél, hol laen dù tul sónen he yóm tendo kdóyón me kóm.

2 Tutul Israél 29:10

Okóm ni hol lemwót lem but blututu yóm kmou fasad bè Dwata yóm Dwata yó kem tau Israél, anì mkó ta tekuy yóm alì kebuten.

Kem Lingón 95:3

Abay se yóm gónó tekuy mogot, du se Dwata hol gembek bè kdéen. Du se hol dandónen geta gembek senta yó kem dwata kéng.