Nihimaya 8:5 - Udél Dwata: Gna Kesfasad ne Lomi Kesfasad

⁵ Bè yóm igò Isra mdà bè yó bè gónón geta, gotu le temngel ebéléen yóm kdéen tau. Timbow lenungkaen yóm bok, tódô kdê le gotu hebkó mdà.

Nihimaya 8:5 Referans Kwoze

1 Bok Kem Tau Hol Geta 8:14

Omin Selumun beklil ebè yó kem tau Israél mdà bè yó bè soluhen, ne mni bélê le bè Dwata. Yó monen,

1 Bok Kem Tau Hol Geta 8:12

Omin Selumun mni bè Dwata, monen, “Ó Dwata, uu se deng hemsù du bè longit yóm kdaw, okóm kóm deng mom yó nélékem nói lem yóm tey kifu mget.

Nihimaya 8:3

Bè yó bè plasa yóm Bak Tikeb Él gónó Isra semfala du bélê le yóm hlau yó. Tódô lenwóten hlafus kól gtungó semfala du bélê le. Ne tey le teneb hmungol du yóm kdéen tau.

Nihimaya 8:4

Bè yóm kesfala Isra du yóm hlau Dwata yó, mdà ta yóm seel geta deng nmò le bè koyu mò gónón mdà. Wen kem tau mdà bè kwananen. Yó boluy le, Matitiya ne Sima ne Anaya ne Uriya ne Hilkaya ne Maasiya. Yó fen mdà bè iwóngen, Pidaya ne Misaél ne Malkidya ne Hasum ne Hasbadana ne Sikaraya ne Misulam.