Nihimaya 8:18 - Udél Dwata: Gna Kesfasad ne Lomi Kesfasad

¹⁸ Tódô lemwót bè yóm tanay kdaw kmò le du yóm kehligal le yó efet kól bè kdengen, tódô ket kdaw Isra tendo semfala du lem blóng le yóm Hlau Dwata. Hitu kdaw le kegen le mò du yóm kehligal le yó. Ne bè yóm gwoluhen kdaw bud le stifun mò sónen, tódô lolò le yóm monen lem yóm Hlau Dwata.

Nihimaya 8:18 Referans Kwoze

Hlolò 23:36

Lem yóm hitu kdaw yó, ket kdaw ye mit ken mò dsù hkekeb ye ebè Dwata. Ke deng kól bè gwoluhen kdaw, bud ye stifun tmaba ebéléen ne bud ye mit ken mò dsù hkekeb ye ebéléen. Yóm gwoluhen kdaw yó, hol kdaw ye stifun tmaba ebè Dwata ne laen dù tau tagad mò nmò.

Kun Snulat Jan 7:37

Bè yóm kmò le ken yó, alì bong muhen bélê le yóm hol són kdaw. Bè yóm kdaw yó, mdà lem blóng le Jisas, hgelen udélen, monen, “Yóm tau meeng, mógów ebéléu dé nan e minum.

Hlolò 23:41

Hitu kdaw ye kegen ye mò du yóm kehligal ni. Yóm hlolò ni, hol bud nulit lolò yó kem semfu gu bélê ye ne laen kô dù tul sónen yóm klolò le du.

Nihimaya 8:2

Tahu se, nwit Isra yóm bok yó ebè yóm deng gónó le stifun yó kem tau, kem logi ne kem libun ne yó kem ngà deng hulung hmungol du yóm hlau Dwata.

Nihimaya 8:3

Bè yó bè plasa yóm Bak Tikeb Él gónó Isra semfala du bélê le yóm hlau yó. Tódô lenwóten hlafus kól gtungó semfala du bélê le. Ne tey le teneb hmungol du yóm kdéen tau.