Nihimaya 8:12 - Udél Dwata: Gna Kesfasad ne Lomi Kesfasad

¹² Tahu se, gotu le mulék ebè gónô le yó kem tau. Hligal le mò ken ne wen blay le bè yó kem dumu le. Yó buten yóm kligal le, abay se deng gungol le yóm udél Dwata ne tngón le lanen yóm senfala le bélê le.

Nihimaya 8:12 Referans Kwoze

Kem Lingón 119:174

Hfuhu imaku mangat yóm kehewaem do, Dwata, ne són hefligal do, són yó kem hlauhem.

Kun Snulat Luk 24:32

Ne tódô le stulón, mon le, “Kô mon se ke alì te gduf hmungol du mulit lan yóm igoen hetngón du kut yóm tennefen yóm tehe gel hsulat Dwata ekni.”

Kem Lingón 119:171

Hono udél dmóyón kóm yóm angat btang bè sumóngu, yakà deng tolokem du do yó kem hloloem kum.

Kem Lingón 119:130

Bè yóm ktolok le udélem, lómón ke layag. Balù yó kem tau laen dù tngón le, wen gwa le du.

Kem Lingón 119:127

Tahu se, tey kbong nawahu du yó kem hlauhem senta kbong nawahu yóm tahu blówón, balù yóm blówón hol tahu duhen.

Kem Lingón 119:111

Yó kem hlauhem, Dwata, yó se yóm dou nfun, ne laen kô dù sónen yóm kfunu du. Yó se gónón lemwót kligalu.

Kem Lingón 119:97

Tey kbong nawaw du yó kem hlauhem, Dwata, seflósu kdaw tendo hemdem kul.

Kem Lingón 119:72

Tey mebtes béléu yó kem hlauhem senta bè yó kem hilu katihen tahu blówón ne blówón bukay.

Kem Lingón 119:16

Tey kehyu nawahu du yó kem hlauhem, ne là kô klifótu du yóm udélem.

Kem Lingón 119:14

Tey kehligalu lemolò du yó kem hlauhem senta yóm kwen kendengenu.

Sulat Pol Ebè Yó Kem Tau Hemtahu Bè Rom 7:18

Deng hónô tngónu yóm dou ktau, laen kô dù hyu nô béléu. Balù yóm kwen óyóu mò du yóm hyu, ewenem yó là kô dog gmou du.

Jirimaya 15:16

Dengi mudél ebéléu ne gel hnungolu se yóm kdê udélem. Bè kóm udél se gónów gel hligal, yakà uu du se yóm Dwata laen dù là gbeken du ne kóm boluy yóm gel nwitu.

Deng Hegfan 11:10

Ya tey kehligal yóm kdéen tau te tonok bè yóm katay le. Tey ken bong nmò le, ne lel tey kesbasa le lemwót bè yóm kligal le. Yakà bè yó du kem lewu tugod Dwata yó gónón lemwót yóm tehe tey keglayam le.

Nihimaya 8:10

Ne ni, mulék ye ebè gónô ye ne hol ye hligal ne mò ye ken. Benlay ye yó kem tau là kóyówen yóm kul. Nim kdaw ni, kdaw hetfing tekuy ebè Dwata. Yó gónóm mon, hol bê ye abay heblat nawa abay se yóm kligal lemwót bè Dwata, yó se hol gónón lemwót yóm kgis tekuy.”

Nihimaya 8:11

Lemwót yó kem sfu Libay gotu le mógów lem blóng le, nifa le lu, mon le, “Hol bê ye abay bud mkik, yakà ni du yóm kdaw deng hetfing tekuy ebè Dwata.”

Nihimaya 8:13

Timbow hayahen bè yó, lemwót yó kem gel malak bè ket tbong mung kul yó kem gel blóng ebè Dwata ne yó kem sfu Libay, gotu le mógów ebè Isra na le e hennagì yóm hlau Dwata.

Istér 9:22

Ni se yó kem kdaw keglà kem Ju kul yó kem hohon le. Ni se yóm bulón hol kbalingen kligal yóm tehe alì klangag le. Yó hmò le kul, mò le ken bong ne gel wen senblay le ne bud gel benlay le yó kem tau élél.

1 Tutul Israél 29:22

Tey kehligal le mken ne minum bè yó bè solu Dwata bè yóm kdaw yó. Ne bud suub le bè kulu Selumun yóm ngà Dabid yóm kuruna ilô yóm kbalingen tau hol geta bélê le, tenwél le hnolo ta kuluhen bè yó bè solu Dwata mò malak kul. Dalang se ke Sadok, tenwél le hnolo ta kuluhen mò blóng le ebè Dwata.