Nihimaya 8:11 - Udél Dwata: Gna Kesfasad ne Lomi Kesfasad

¹¹ Lemwót yó kem sfu Libay gotu le mógów lem blóng le, nifa le lu, mon le, “Hol bê ye abay bud mkik, yakà ni du yóm kdaw deng hetfing tekuy ebè Dwata.”

Nihimaya 8:11 Referans Kwoze

Lista 13:30

Bè yóm kungol kem tau Israél du yóm tulón le yó, tey sidek klikò le ne tey dê udél le. Okóm ke Kalib kun, yóm sotu bè yó kem tau hemkana yó nmoen, fen ten-gelen nawa le, monen mò kul, “Tódô géhél nundug tekuy lu yó kem tau Kanan yó, nwa tekuy tonok le kaem gbek tekuy lu yó kem tau yó.”

Nihimaya 8:10

Ne ni, mulék ye ebè gónô ye ne hol ye hligal ne mò ye ken. Benlay ye yó kem tau là kóyówen yóm kul. Nim kdaw ni, kdaw hetfing tekuy ebè Dwata. Yó gónóm mon, hol bê ye abay heblat nawa abay se yóm kligal lemwót bè Dwata, yó se hol gónón lemwót yóm kgis tekuy.”

Nihimaya 8:12

Tahu se, gotu le mulék ebè gónô le yó kem tau. Hligal le mò ken ne wen blay le bè yó kem dumu le. Yó buten yóm kligal le, abay se deng gungol le yóm udél Dwata ne tngón le lanen yóm senfala le bélê le.