Nihimaya 8:1 - Udél Dwata: Gna Kesfasad ne Lomi Kesfasad

¹ Bè yóm ghituhen bulón, deng le gotu henek ne bè yó kem kul benwu yó kem tau Israél lomi mulék. Bè yóm tanay kdaw bè yóm bulón yó, gotu le stifun bè Jirusalim bè yóm plasa moni bè yóm bak tikeb boluy le du Bak Tikeb Él. Yó nmò le, hwa le ke Isra yóm bok gónóhen nô yó kem Hlau Dwata, yó kem hlau tehe blay Dwata yó kem tau Israél hlanen bè Musis. Nim Isra ni, tau gel blóng ebè Dwata ne megdidif ketngónen du yóm hlau Dwata.

Nihimaya 8:1 Referans Kwoze

Isra 7:6

Nim Isra ni, tey temngón, gotu tngónen yóm kdê hlau tehe hsulat Dwata ke Musis, yóm hlau yóm kul Dwata yó kem tau Israél. Lemwót bè yóm któbóngen ke Isra yóm sana kun Dwata hol gónó mogot, tódô gotu blay Artasérksis du yó kem kdê hnihen wen muhen du bè yóm kuléken ebè Jirusalim. Bè yóm ghituhen halay mogot benwu Artasérksis, kewót Isra bè yó bè Babilun mógów ebè Jirusalim mung du yó kem dumu tau Israél. Wen kem tau gel blóng ebè Dwata mung du ne wen se kem sfu Libay ne yó kem tau gel semngal lem Gónô Dwata ne yó kem tau fen gel mentey bè Gónô Dwata ne yó kem tau gel mò nmò lemen, gotu le mung ke Isra ebè Jirusalim.

2 Tutul Israél 34:15

Yó mon Hilkaya mò ke Syafan yóm tau fen gel smulat, “Deng tonu yóm Bok Hlau lem Gónô Dwata.” Omin Hilkaya bemlay du ke Syafan yóm bok yó.

Isra 7:11

Wen sulat hwit Artasérksis ke Isra yóm tau gel blóng ebè Dwata, alì temngón du yóm kdê hlau Dwata yó kem tau Israél. Yó lem yóm sulaten, monen,

Matyu 23:34

Tódô tulónu kuy, angat wen kem tau bud hógówu elem blóng ye, yó kem tau tugod Dwata, ne yó kem tau hulung hedem, ne yó kem tau hulung tmolok. Tódô wen bélê le hnatay ye, wen se tnutuk ye bè kros, ne wen se nfes ye lem gónô ye gel stifun, ne mom ktes ye lu ebè yó kem dumu benwu gónó le e mlóy.

Matyu 23:13

Bud mudél Jisas, monen, “Angat tey tafak ye yu kem tau tmolok hlau ne yu kem Farisi, yu kem tau gel hemtedeng knô. Lómón ke deng mom kendadu ye yóm bak dól bè yóm kogot Dwata tau. Là se kô ye dog gusek kuy, ne deng mom henseng ye yó kem tau móyô mung.

Matyu 23:2

“Yó kem gel tmolok hlau ne yó kem Farisi, wen se kul glal tmolok du yóm hlau Musis.

Matyu 13:52

Bud mon Jisas, “Yóm tau gel tmolok hlau gnan, ke deng gfi bè kogot Dwata tau, hol lómón ke du yóm tau wen kimu labihen, ne wen kimu lomihen deng denfélen bè gónóen mò gónóhen gel ma yóm wen muhen du.”

Malakay 4:4

“Hol bê ye abay klifót mimón du yó kem tehe hlolò Musis kuy yóm tau tóbóng lówóhu. Ditu bè Bulul Sinay gónóhu tehe bemlay du yó kem dou hlau, ne yó kem dumu hlolou kul mò nimón yóm kdéen tau Israél.

Isaya 8:20

Okóm ni mò balà ye kul, mon ye, “Yake yó dém tolok Dwata kuy yóm hol hnungol ye. Hol bê ye abay hmungol bè yó kem tau demwata. Là kóen hyu bélê ye yóm gel tulón le kuy.”

Nihimaya 8:16

Tahu se, lemwót yó kem tau gotu le ma kem hanga koyu mò nmò le slung. Wen se mò du ta yó kem ketef le, ne wen se gu talak lósól le, dalang se talak lósól yóm Gónô Dwata. Ne yó kem dumu, nmò le bè plasa moni bè Bak Tikeb Él dalang se bè Bak Tikeb Ifraim.

2 Tutul Israél 34:30

Ominen mógów ebè Gónô Dwata mung du yóm kdéen tau bè Juda ne kdéen tau bè Jirusalim, kem tau blóng ebè Dwata ne yó kem tau semfu gu bè Libay, tódô kdéen tau kewóten bè leneken kkólen bè lebangen, gotu mung du. Bè yó bè solu le, senfala yóm tau hol geta yóm kdê deng nô lem yóm Bok Fasad deng ton le lem yóm Gónô Dwata.

Isra 7:10

Nim Isra monen ni, tódô hotuhen nawahen hemnagì du yó kem hlau Dwata, lelen mimón du ne gotu toloken yó kem tau Israél yóm kdê deng hlolò Dwata kul.

Nihimaya 8:3

Bè yó bè plasa yóm Bak Tikeb Él gónó Isra semfala du bélê le yóm hlau yó. Tódô lenwóten hlafus kól gtungó semfala du bélê le. Ne tey le teneb hmungol du yóm kdéen tau.

Dwata 31:11

bè yóm kdaw le gel stifun tmaba ebè yóm sana kuy Dwata hol gónó mogot bè yóm benwu néléken mò gónó ye gel tmaba ebéléen.

2 Bok Kem Tau Hol Geta 23:2

Ominen mógów ebè Gónô Dwata, mung du yóm kdéen tau bè Juda ne kdéen tau menwu bè Jirusalim, kem tau blóng ebè Dwata, ne kem tugod Dwata, ne tódô kdéen tau kewóten bè leneken kkólen bè lebangen gotu mung du. Ominen hgel semfala du bélê le yóm bok lomi ton le lem Gónô Dwata, yóm bok gónóhen nô yóm tehe senfasad le Dwata yóm bnoluy le Bok Fasad.

Isra 7:1

Timbow deng hilu halayen miwes bè yó bè yóm igoen tolo mogot bè Pérsya Artasérksis, wen sotu tau boluyen Isra semfu gu bè yóm tehe Aron, yóm hol tanay tau blóng ebè Dwata. Ni se kmò kesektol yó kem gónón gu semfu Isra. Yóm Isra ngà Siraya. Yóm Siraya ngà Asariya. Yóm Asariya ngà Hilkaya.