Nihimaya 4:8 - Udél Dwata: Gna Kesfasad ne Lomi Kesfasad

⁸ Yó nmò le, sensatul le yóm kundug le ebè Jirusalim anì na le e senbeweg yó kem tau nô lemen.

Nihimaya 4:8 Referans Kwoze

Jirimaya 20:10

Deng tey dê gungolu udél le etahu. Yó boluy le do, ‘Tau Tendo Likò.’ Ne yó eles mon le mò dou ke bud wen dumu tulónu, angat klamo le o. Balù yó kem tehe weu, sónmò nangat le ke wen gónóhu btang bè udélu. Mon le, ‘Hyu ke wen gónón gholot mò gónó tekuy gembeles béléen.’

Nihimaya 4:7

Okóm tikóng bud gungol le Sanbalat ne Tubiya ne yó kem tau Arab ne kem tau Amunayt ne kem tau Asdod yóm kehlel me mò nmò, ne yóm deng ksikof me yóm tehe gónón gawang yóm beng botu yó, ya tey bud sidek kebut le kum.

2 Tutul Israél 32:7

“Hol ye hbegel, ne hol hfól ye nawa ye. Bê ye abay hlikò bè yóm tau hol geta bè Asirya ne bè yó kem sendaluen, yakà wen yóm tey mfasang sentahen mfi tekuy.

Nihimaya 1:5

“Ó Dwata yóm sana kum Dwata hol gónó me mogot nô bè longit. Uu se yóm hol dandónen geta, yóm Dwata knóón bang knikò. Là kóen mkó bè nawahem yóm tehe kesfasad ye yó kem tau kembong nawa kóm, yó kem tau mimón yó kem hlauhem.

Danyél 9:25

Hol hnungolem yóm tulónu kóm ni anì hol getnefem. Lenwóten bè yóm kdaw ksulat le yóm udin bud ketlob le yóm benwu Jirusalim efet kól bè yóm kdaw ksut yóm sotu tau deng nélék Dwata mò kmamal yóm klamangen, yó kegenen fat folò syóm halay, ominen bud temnù fat latu tlu folò fat halay. Bud hdà le Jirusalim, wen kem lan bud nmò le bè yó ne tey mbegel yóm beng hdà le hilolen, okóm tey sbeweg kbenwu le lem ni kem halay ni.