Nihimaya 4:7 - Udél Dwata: Gna Kesfasad ne Lomi Kesfasad

⁷ Okóm tikóng bud gungol le Sanbalat ne Tubiya ne yó kem tau Arab ne kem tau Amunayt ne kem tau Asdod yóm kehlel me mò nmò, ne yóm deng ksikof me yóm tehe gónón gawang yóm beng botu yó, ya tey bud sidek kebut le kum.

Nihimaya 4:7 Referans Kwoze

Nihimaya 4:1

Timbow gungol Sanbalat, yóm deng kbut kehdà me yóm beng botu hmilol Jirusalim, ya tey sidek kebuten ne tey kehnéen kum

Nihimaya 2:10

Okóm kul le Sanbalat yóm tau lemwót bè Bét Horon ne Tubiya yóm tau genlal bè prubinsya Amun, bè yóm kungol le du yóm kwen tau tmóbóng yó kem tau Israél, ya tey kekbê le du.

Deng Hegfan 12:17

Mom temnù kebuten yóm libun yóm swaga yó. Yó nmoen, tódô nan e nwit sgida yó kem tau semfu gu bè yóm libun yó, duhen yó kem tau deng mimón yóm kun hlau Dwata, ne là kóen monol nawa le bè yóm ktahuhen tehe tolok Jisas.

Kul Nmò 5:33

Timbow gungol le yóm udél le Pitér yó koni yó kem tau mogot kukum, tey sidek kebut le kul, kóyô le ke géhél hfatay le lu.

Amus 1:13

Yó bud udél yóm sana Dwata hol gónó mogot, monen, “Deng tendo sensulit le mò sidek yó kem tau bè Amun, là gbeku du ke là tnafaku kul. Bè yóm kundug le ebè benwu Gilyad anì hlamang le yóm són tonok le, mom gotu snifal tnibó le yó kem libun mlutut bè yó.

Amus 1:8

Angat hnatayu yó kem tau bè syudad Asdod ne genlau yóm tau hol geta bè syudad Askilun. Angat tnafaku yóm syudad Ikrun efet le gotu matay yó kem dù Flistin tebel. Ou se yóm Dwata hol dandónen geta nim mudél ni.”

Nihimaya 2:19

Tikóng gungol le Sanbalat ne Tubiya ne yóm sotu tau Arab boluyen Gésém yóm atul me yó tey kuli le kum, mon le, “Tedum tô nmò ye ni du? Ilóem tô natù ye kô yóm tau hol geta?”

2 Tutul Israél 20:1

Kogolen bè yó, lemwót yó kem tau Muab ne kem tau Amun, ne wen kem tau Munayt mung kul na le e gnida Jihusafat.

2 Bok Kem Tau Hol Geta 24:2

Yó nmò Dwata, hwiten yó kem sendalù Babilun ne kem sendalù Aramiyan ne kem sendalù Muabayt ne kem sendalù Amunayt mò gembà yóm benwu Juda, hol lómón yóm tehe eles htulón Dwata yó kem tehe tugoden ekni, duhen yó kem tau tóbóng lówóhen.

1 Samwél 11:2

Okóm yó balà Nahas kul, monen, “Mite sbilà bélê ye okóm wen hnihu bélê ye. Lensitu doli mata kwanan ye mò gónóhu hemyak yóm kdéen tau Israél.”

Tekang Kbuten 3:15

Hlós senfohonu yu yóm libun. Yóm kun lugod ne yóm kóm lugod sónmò le tendo sfohon. Ne wen bè kun lugod yóm libun angat lemuna kuluhem. Ne yóm kóm lugod, fen mékét bè tekeden.”

Amus 3:9

Ni mò eles heglalag ye bè yó kem tau malak bè Idyip ne bè syudad Asdod, mon ye mò kul, “Hol ye stifun bè yó kem bulul bè Samarya, tenngel ye yóm tey kesbewegen bè yóm benwu yó ne yóm tey kmò le sidek lemen yó kem tau Israél bè yó.”

Nihimaya 4:6

Ewenem yó, tódô kem henlel me mò yóm beng botu bud hdà me, ngangen efet sóól yóm kegetahen eta lemibut yóm syudad me lemwót bè yóm alì kkinì nawa le mò nmò yó kem tau.

Nihimaya 4:8

Yó nmò le, sensatul le yóm kundug le ebè Jirusalim anì na le e senbeweg yó kem tau nô lemen.

Jirimaya 41:10

Omin Ismaél lemwót gotu negefen yó kem ngà libun boi Sidikaya, dalang se yó kem dumu tau tebel bè yó bè Mispa, tô nwiten lu ebè benwu Amun. Ni kem tau negefen ni, hono kem tau deng hogot Nibusaradan ke Gidalaya, yóm Nibusaradan kmandér bè yó kem sendalù Babilun.