Nihimaya 4:6 - Udél Dwata: Gna Kesfasad ne Lomi Kesfasad

⁶ Ewenem yó, tódô kem henlel me mò yóm beng botu bud hdà me, ngangen efet sóól yóm kegetahen eta lemibut yóm syudad me lemwót bè yóm alì kkinì nawa le mò nmò yó kem tau.

Nihimaya 4:6 Referans Kwoze

Flipay 2:13

abay se ke Dwata kun, wen tendo nmoen bélê ye anì wen óyô ye mò du yóm kun kóyô, ne anì wen kegbek ye mò du snéen.

1 Tutul Israél 29:14

Okóm tmau dou de ne tmau kul de yó kem dou tau ke mi bemlay kóm? Igoen uu se gónón lemwót yóm kdê nô bélê me. Yóm blay me kóm ni, hono tehe lemwót béléem.

1 Tutul Israél 29:3

Ne ni, lemwót bè yóm dou kegduf bè yóm Gónô yóm dou Dwata, tódô blayu bè Gónô Dwata yóm dou tahu blówón ne blówón bukay deng henyuhu mò tnù yó kem ngom yóm Gónô Dwata deng sentifunu.

Kem Lingón 110:3

Bè yóm kdaw angat kwitem sgida, wen tey óyô le tmóbóng kóm yó kem tauhem. Yó kem ngà logi sendaluem alì mólós nes le, angat le sut béléem ket hlafus, hol lómón kmò le, lómón ke amù gel sut hlafus.

2 Tutul Israél 29:36

Ya tey kehligal Hisikaya ne yóm kdéen tau lemwót bè yóm deng nmò Dwata bélê le, ne tey mahil bélê le mò du yóm kdéen.

Nihimaya 4:5

Hol béem abay bayà yóm sidek nmò le bélê me ni ne béem abay hnifót yó kem salà le, yakà alì henwog le mi bè yóm kmò me nmò.”

Nihimaya 4:7

Okóm tikóng bud gungol le Sanbalat ne Tubiya ne yó kem tau Arab ne kem tau Amunayt ne kem tau Asdod yóm kehlel me mò nmò, ne yóm deng ksikof me yóm tehe gónón gawang yóm beng botu yó, ya tey bud sidek kebut le kum.

Kem Lingón 122:3

Deng tey tilob kehefdà le du nim Jirusalim mlan bè yóm tey tilob kessatul le du.

Hagay 1:14

Yó nmò Dwata, gotu gendufen kdéen tau anì mò le nmò bè Gónóen. Gendufen Sirubabél yóm gubérnor bè Juda ne Juswa yóm tau geta bè yó kem gel demsù ebè Dwata, dalang se yóm kdéen tau deng mulék gu bè Babilun. Tódô nbut le mò nmò bè yóm kun Gónô Dwata yóm Dwata laen dù là gbeken du, yóm Dwata hol kul gónó mogot.