Nihimaya 4:5 - Udél Dwata: Gna Kesfasad ne Lomi Kesfasad

⁵ Hol béem abay bayà yóm sidek nmò le bélê me ni ne béem abay hnifót yó kem salà le, yakà alì henwog le mi bè yóm kmò me nmò.”

Nihimaya 4:5 Referans Kwoze

Jirimaya 18:23

Ó Dwata, tngónem se yóm katul le dou ni. Hol béem abay hnifót yóm sidek nmò le ne hol béem abay kó ta le nim salà le ni. Gotu hnatayem lu bè soluhem. Hol hlanem bè kebutem yóm ktafakem kul.”

Kem Lingón 109:14

Hol là kô klifót Dwata du he yó kem salà yó kem tehe fuen, ne hol là lanahen bè lista he yó kem salà yéen.

2 Timuti 4:14

Ya tey kehlayamen dou yóm Aliksandér, yóm tau gel temwél. Dwata he yó fen malà du.

Isaya 44:22

Yóm kkóhu du bélê ye yó kem salà ye hol lómón ke muku lobun kmou du. Bud ye semfulék ebéléu dé, ou se yóm lemwà kuy.

Isaya 43:25

Igoen ou yóm Dwata tódô hmifót yó kem salà ye. Yó gónóhu hmifót du abay se ou se Dwata. Là kô bud snolou du bélê ye ne yó kem salà ye.

Kem Lingón 51:1

Ó Dwata, lemwót bè yóm là konol nawahem ebéléu, hol knoduhem ou. Lemwót bè yóm alì kkoduhem dou, hol kóhem béléu yó kem salau.

Kem Lingón 51:9

Béem bud snolò ne yó kem salau. Gotu kóhem yóm kdéen sidek tonem béléu.

Nihimaya 4:6

Ewenem yó, tódô kem henlel me mò yóm beng botu bud hdà me, ngangen efet sóól yóm kegetahen eta lemibut yóm syudad me lemwót bè yóm alì kkinì nawa le mò nmò yó kem tau.

Isaya 2:9

Yóm kdéen tau mò du yóm yó, angat le gotu mulék myak. Ó Dwata, hol béem abay hnifót lu.

2 Samwél 17:2

Tnanahu mundug du tolo miteg ne sidek kegnómen du anì slaf, ne gotu le mlóy yóm kdê tau mung du. Olohu hmatay yóm tau hol geta,