Nihimaya 4:20 - Udél Dwata: Gna Kesfasad ne Lomi Kesfasad

²⁰ Ke gungol ye yóm uni féw kendel ye stifun ebè yóm gónón muni. Dwata he fen mit sfatay bè yó kem hohon tekuy.”

Nihimaya 4:20 Referans Kwoze

Kehewà 14:14

Tódô ye henek abay se Dwata mit kul sfatay.”

Juswa 23:10

Baluen ke tek sotu bélê ye, gbeken hlóy lemibu hohonen abay se eles mung bélê ye sfatay Dwata yóm sana kut Dwata hol gónó mogot, lómón yóm deng fasaden tekuy.

Kehewà 14:25

Gotu hegebengen yó kem kliling klitun le anì mgel bélê le mógów. Yó udél yó kem tau Idyip yó, mon le, “Géhél tekuy mdó bè ni. Dwata se yóm deng semfatay tekuy ne tey kfihen yó kem tau Israél.”

Sikaraya 14:3

Ominen yó nmò Dwata, du mit sfatay bè tu kem benwu tu koni lómón yóm tehe kwiten sfatay teganay.

Nihimaya 4:19

Yó tulónu yó kem tau ne yó kem genlal le ne yó kem malak kul, monu, “Tey lamang yóm beng botu hdà tekuy ni ne deng tey slayuk ne gónó tekuy nô.

Nihimaya 4:21

Duhen yó, tódô ket kdaw lenwóten hlafus efet mnóng blotik kifu, sóól bélê me fen mò yóm beng botu ne sóól se fen mentey, eles le kmulóng buyus.