Nihimaya 4:15 - Udél Dwata: Gna Kesfasad ne Lomi Kesfasad

¹⁵ Tikóng gungol yó kem hohon me yóm deng ketngón me du yóm atul le eta me, tódô dilô le Dwata se fen hemseng du yóm atul le. Lemwót se kum, bud senfulék me yóm kmò me yóm beng botu yó.

Nihimaya 4:15 Referans Kwoze

2 Samwél 17:14

Yó mon Absalum ne kdê yó kem tau Israél, “Hyu yóm kun hlau Husay, yóm tau Arkayt, senta yóm kun hlau Ahitufél.” Yóm klolò le du yóm mon Husay yó, Dwata se mò du anì là lolò le du yóm hlau hyu Ahitufél, ne anì wen glumfak Absalum.

Sulat Pol Ebè Yó Kem Tau Hemtahu Bè Rom 12:11

Hotu ye gel ye mò nmò, bê ye abay hduk. Hotu ye nawa ye mò du yóm hmoen kuy yóm gónó ye mogot.

Isaya 44:25

Yó kem tau gel temngel ulét hólól, gel hegfanu yóm kul ungel. Yó kem tau gel hen-gawang le kógów blotik, gel hensengu yóm dê gel tulón le. Yó kem tau alì geta hennagì le, gotu gel hegfanu yóm klaen dù gónón e kól yóm kul ketngón.

1 Tisalunika 4:11

Hol nmò ye dé yóm nmò mò gónón menek klowil ye, ne bê ye snolò yóm nmò yó kem dumu ye, ne hol ye heged mò nmò anì wen gónó ye ma, lómón yóm tehe hlolò me kuy ekni.

Mark 13:34

Hol lómón yóm tau mógów ebè yóm sotu benwu mayuk. Gu laanen là deng lemwót, nan eles tulón yó kem tau mò nmò béléen yóm hmoen kul, yóm ket kul na sotu. Ne tulónen yóm tau fen mentey bè bak tikeb anì eles ningaten yóm kkólen.

Isaya 8:10

Eles ye mò atul, okóm laen kô dù nefeten yóm atul ye yó. Eles sentulón ye yóm nóyô nmò ye, okóm laen dù gónóhen e kól yóm nmò ye yó abay se yóm Dwata tendo eles nô bélê me kum.

Kem Udél Hlalak Tehe Selumun 21:30

Là kóen lemyu senta Dwata yóm khulung tau hedem duhen yóm khulungen temnef ne khulungen hmau.

2 Samwél 15:31

Wen tmulón du ke Dabid, deng mung bè Absalum Ahitufél. Yó gónó Dabid mni bè Dwata, monen, “Ó Dwata, henbalingem laen dù gónón e kól yóm hlau Ahitufél.”

Nihimaya 4:16

Lenwóten bè yó ne, sóól bélê me fen mò nmò ne sóól se fen mentey. Eles le lemsek onit ne mogot klung yó kem tau mentey. Wen se bélê le mogot buyus ne wen se mogot boho. Ne yó kem tau genlal bè yó kem sendalù, fen le mdà bè kwang yó kem tau mò nmò,