Nihimaya 2:8 - Udél Dwata: Gna Kesfasad ne Lomi Kesfasad

⁸ Ne bud benlayem se o sotu sulat mò nwitu ebè Asaf yóm geta bè yó kem tau gel mentey yó kem koyu nfunem bè yó, anì benlayen o koyu mò ngom yó kem bak tikeb yóm gónó le mentey moni klohok yóm Gónô Dwata ne bè yóm beng botu hmilol yóm syudad yó ne bè yóm gónô gónóhu angat nô.” Tahu se, gotu blay yóm tau hol geta dou yóm kdê hnihu yó lemwót bè yóm knóen béléu Dwata.

Nihimaya 2:8 Referans Kwoze

Isra 7:6

Nim Isra ni, tey temngón, gotu tngónen yóm kdê hlau tehe hsulat Dwata ke Musis, yóm hlau yóm kul Dwata yó kem tau Israél. Lemwót bè yóm któbóngen ke Isra yóm sana kun Dwata hol gónó mogot, tódô gotu blay Artasérksis du yó kem kdê hnihen wen muhen du bè yóm kuléken ebè Jirusalim. Bè yóm ghituhen halay mogot benwu Artasérksis, kewót Isra bè yó bè Babilun mógów ebè Jirusalim mung du yó kem dumu tau Israél. Wen kem tau gel blóng ebè Dwata mung du ne wen se kem sfu Libay ne yó kem tau gel semngal lem Gónô Dwata ne yó kem tau fen gel mentey bè Gónô Dwata ne yó kem tau gel mò nmò lemen, gotu le mung ke Isra ebè Jirusalim.

Danyél 1:9

Lemwót bè yóm któbóng Dwata ke Danyél gónó Aspinas kmodu du ne móyô tmóbóng du.

Tekang Kbuten 32:28

Ne yó bud mon yóm tau yó, “Lemwót bè yóm deng khotuhem gelem ebè Dwata ne bè tau, yó gónóm matù. Là bud Jakub du ne boluyem. Yó tles boluyem, Israél.”

2 Kurin 8:16

Sotu gónóhu dmóyón ke Dwata, duhen bè yóm alì kegdufen ke Taytus mò fen tmóbóng kuy. Senged bè kum kehedem se yóm kun kehedem ebélê ye.

Kul Nmò 26:22

Bede sal gel tnóbóng Dwata ou, efet nim kdaw ni. Yó gónóhu mdà bè ni lem blóng ye. Yóm toloku yó, yó se toloku bè kdéen tau, bè yó kem tau leneken kkólen bè yó kem tau lebangen. Kdê yó kem dou tolok, sal gel segtón ebè yóm kul gel tulón yó kem gna tugod Dwata ekni, dalang se yóm kun tehe tulón Musis. Yó tehe gel tulón le,

Kul Nmò 7:10

ne lenwaen bè yó kem tey dê gónón glayam bè yó. Bè yóm kdaw kehdà le ke Jusif bè solu yóm tau hol geta bè Idyip, wen tey kehyu nawa blay Dwata du, ne yóm khulung hedem. Lemwót yóm tau hol geta yó, tódô nmoen Jusif gubérnor bè klamangen Idyip, ne hogoten du yóm kdéen tau mò nmò bè gónóen.

Kem Udél Hlalak Tehe Selumun 21:1

Dwata se fen malak du yóm kun kmò kógów kehedem yóm tau hol geta, balù kihu gónó Dwata e bemklil du lómón kebeklilen yóm lel él.

Isra 6:22

Tikóng deng kken le yó kem yó, bud hitu kdaw le mò du yóm Kehligal le Mken yóm Mambang Laen Dù Bulung Henoken. Ya tey kehligal le abay se deng tenles Dwata kehedem yóm tau hol geta bè Asirya boluyen Sirus, botong tnóbóngen lu bè yóm kehdà le du yóm Gónô Dwata yóm sana kul Dwata yó kem tau Israél.

Isra 6:8

Ni mò hol hlauhu kuy, hol tnóbóng ye lu bè yóm bud kehdà le du yóm Gónô Dwata yó. Yó kem deng gamà le, gotu bnayad ye lemwót bè yó kem bwis yó kem dou tau nô fi desdef Él Yufratis anì henlel yó kem Ju mò du yóm nmò le.