Nihimaya 2:7 - Udél Dwata: Gna Kesfasad ne Lomi Kesfasad

⁷ Ominu bud mon du mò du, “Ke yó dum hyu béléem, benlayem o sulat mò nwitu ebè yó kem gubérnor bè prubinsya fi desdef Él Yufratis anì hlan le o lem yó kem benwu nogot le bè yóm kógówu ebè Juda.

Nihimaya 2:7 Referans Kwoze

Isra 7:21

Ni udélu ebè yóm kdê tau genlal mogot filak bè prubinsya fi desdef Él Yufratis, hol géhél blay ye ke Isra nô kihu hnihen, yakà du du yóm tau gel blóng ebè Dwata gel tmolok yóm kun hlau yóm Dwata nô bè longit.

Nihimaya 2:9

Wen kem sendalù genlal hmungen dou yóm tau hol geta yó ne wen se kem sendalù smakay kudà ne ominu lemwót ebè yóm prubinsya fi desdef Él Yufratis. Bè yóm kkólu bè yó, blayu bè yó kem gubérnor yóm sulat yóm tau hol geta ebélê le.

Isra 6:6

Bè yóm kton Daryus du yóm tehe snulat Sirus yó, wen udél hwiten ebè yó kem tau smulat ebéléen yó koni, monen, “Nim sulat ni, hwitu ebéléem, Tatinay yóm gubérnor bè yóm benwu fi desdef Él Yufratis ne ebéléem Sitar Businay ne ebè yó kem dumu genlal ye bè yó fi desdef Él Yufratis. Hol bê ye hloni edu yóm Gónô Dwata hdà le bè yó

Isra 8:22

Là mlose mni du bè yóm tau hol geta ke wen sendalù ne kem sendalù smakay kudà hmungen kum mò mentey kum bè yó kem hohon me bè lan. Yakà deng gegna tulón me du, mon me, “Yóm kum Dwata, tey kofinen yó kem tau tmaba ebéléen, okóm bè yó kem tau kmogol du tey sidek kebuten kul.”