Nihimaya 2:6 - Udél Dwata: Gna Kesfasad ne Lomi Kesfasad

⁶ Ominen hemlus do yóm tau hol geta yó, uma kóm myón klohoken yóm libun boi yehenen, monen, “Kegenem ditu de? Ne kilón se tô bud kulékem du?” Ne na me sentulón yóm kdaw kewótu.

Nihimaya 2:6 Referans Kwoze

Isaya 65:24

Baluen ke tolo lel le mni ebéléu, deng eles gegna ne yóm kbalau kul.

Isaya 58:12

Angat yu bud hemdà kul yó kem deng tehe gbà gna, bud hdà ye ta yó kem tehe mò begelen. Yó angat boluy le kuy, kem tau bud hemgulék hemdà yó kem beng syudad deng tehe gbà ne bud hemgulék hemdà yó kem gónô tehe gbà.”

Nihimaya 2:4

Snólóken o yóm tau hol geta yó, “Tedu se tô kmò te du du?” Ominu tódô kendel mni bè yóm Dwata nô bè longit

Isaya 61:4

Angat bud gotu hdà le yó kem syudad deng tehe gbà là sekna.

Nihimaya 1:11

Hol hnungolem do yóm hnihu béléem, Dwata. Bud hnungolem snéen yóm kul hni yó kem dumu tau tóbóng lówóhem, yóm wen óyô le madat kóm. Hol tnóbóngem o kemdaw ni ke wen hnihu bè yóm tau hol geta anì knoduhen ou.” Bè yó kem kdaw yó, yó dou nmò, ou fen gel mkay du bè yóm tau hol geta yóm gel ninumen.

Nihimaya 2:5

ne monu bè yóm tau hol geta yó, “Ke yó dum hyu bè nawam ne ke yó dum móyói du yóm tô hnihu béléem, hógówem o ebè benwu Juda, bè yóm syudad tehe gónó le lembeng yó kem tehe fuu anì bud hdau yóm syudad yó.”

Danyél 9:25

Hol hnungolem yóm tulónu kóm ni anì hol getnefem. Lenwóten bè yóm kdaw ksulat le yóm udin bud ketlob le yóm benwu Jirusalim efet kól bè yóm kdaw ksut yóm sotu tau deng nélék Dwata mò kmamal yóm klamangen, yó kegenen fat folò syóm halay, ominen bud temnù fat latu tlu folò fat halay. Bud hdà le Jirusalim, wen kem lan bud nmò le bè yó ne tey mbegel yóm beng hdà le hilolen, okóm tey sbeweg kbenwu le lem ni kem halay ni.