Nihimaya 2:5 - Udél Dwata: Gna Kesfasad ne Lomi Kesfasad

⁵ ne monu bè yóm tau hol geta yó, “Ke yó dum hyu bè nawam ne ke yó dum móyói du yóm tô hnihu béléem, hógówem o ebè benwu Juda, bè yóm syudad tehe gónó le lembeng yó kem tehe fuu anì bud hdau yóm syudad yó.”

Nihimaya 2:5 Referans Kwoze

Kem Udél Hlalak Tehe Selumun 3:4

Ke ni se nmoem, hligal Dwata ne gsengel nawan ebéléem, dalang se kem dumum tau.

Istér 8:5

“Ke yó dum hyu béléem, ne ke hyu nawahem ebéléu ne hyu kegnómem du bè nim tô bud hnihu béléem ni, holi bud mò udin mò seng yóm tehe udin hwit Haman yóm ngà Hamidata sfu Agag, bè yóm tô keglaen yóm kdéen Ju bè klamang benwu knamalem.

Istér 7:3

Mon Istér se, “Ke yó dum hyu béléem, hol hnungolem dou nim tô hnihu béléem. Yó tgutu kóm hol hlowilem o dalang se yó kem dou tau.

Istér 5:8

“Ke yó dum hyu béléem, bud tinoku yu lewu ye Haman bè yóm sotu ken bud nmou bélê ye haya. Bè yó he gónóhu tmulón du kóm yóm nóyô tulónu kóm.”

2 Samwél 14:22

Botong lemfen bè tonok Juab bè solu yóm tau hol geta, botong kadaten du. Yó mon Juab, “Dwata he hol muyag kóm, Sér. Deng tngónu ne ni hligali béléu, abay se nmoem yóm hnihu.”

Rut 2:13

Bud mon Rut mò du, “Tey kat kehyu kmoem ebéléu, Sér. Hol udél hemyu nawa yóm udélem ebéléu yó, igoen là kóe senged bè yó kem tau gel dókem. Olohu tau moyok néen dou.”

Istér 1:19

Duhen yó, ke yó dum hyu béléem, hsulati udin anì là buden mdà bè soluhem Boi Basti. Homongem nim lomi udin ni bè yó kem dumu udin deng hsulatem bè ni bè Pérsya ne bè Midya yóm udin là bud wen gembek temles du. Ominem yó bud mebel libun hyu mkay sentahen mò tles yóm kboihen.

Matyu 23:27

Angat tey tafak ye yu kem tau tmolok hlau ne yu kem Farisi, yu kem tau gel hemtedeng knô. Hol ye mkél bè yóm lungun tilob bentulà bukay tahen, okóm lemen hono tiol tau matay, hono unged bolok.

Nihimaya 2:4

Snólóken o yóm tau hol geta yó, “Tedu se tô kmò te du du?” Ominu tódô kendel mni bè yóm Dwata nô bè longit

Nihimaya 2:6

Ominen hemlus do yóm tau hol geta yó, uma kóm myón klohoken yóm libun boi yehenen, monen, “Kegenem ditu de? Ne kilón se tô bud kulékem du?” Ne na me sentulón yóm kdaw kewótu.

Danyél 9:25

Hol hnungolem yóm tulónu kóm ni anì hol getnefem. Lenwóten bè yóm kdaw ksulat le yóm udin bud ketlob le yóm benwu Jirusalim efet kól bè yóm kdaw ksut yóm sotu tau deng nélék Dwata mò kmamal yóm klamangen, yó kegenen fat folò syóm halay, ominen bud temnù fat latu tlu folò fat halay. Bud hdà le Jirusalim, wen kem lan bud nmò le bè yó ne tey mbegel yóm beng hdà le hilolen, okóm tey sbeweg kbenwu le lem ni kem halay ni.