Nihimaya 2:20 - Udél Dwata: Gna Kesfasad ne Lomi Kesfasad

²⁰ Okóm yó balau kul, monu, “Yóm Dwata nô bè longit fen tmóbóng kum anì wen gendeng me. Mi se yó kem kun tóbóng lówó ne nbut me ne ni bud hdà du yóm beng botu. Okóm kuy, laen dù kuy du yóm tonok bè Jirusalim ne laen se dù kuy ólól du.” Là gomongen bè nili yóm tsaptér 3. Yó tulónen yóm kmò kehdà le du yóm tey beng botu geta lelen lamang hmilol Jirusalim. Yó kmò le du, nólól le bè kdéen tau nô bè Jirusalim anì yó, tódô kdê le gotu semtóbóng mò du. Bud tulónen bè ni snéen yóm boluy yóm kdéen tau bud hemdà du ne yóm gónó le seblà fi bè yóm kmò le nmò bè yóm beng botu yó. Wen sotu tau tmóbóng mò yóm beng botu yó boluyen Baruk. Yó tulónen gbak béléen yóm tey khotuhen nawahen tmóbóng mò yóm beng. Ne bud wen se tulónen gbak bè yó kem tau gel malak bè benwu Tikwa, okóm yó tulónen gbak bélê le yóm là kóyô le tmóbóng mò yóm beng botu yó.

Nihimaya 2:20 Referans Kwoze

Kul Nmò 8:21

Laen kô dù kóm du yóm kum nmò ni, abay se là tedeng kton Dwata du yóm kehedemem.

Nihimaya 2:4

Snólóken o yóm tau hol geta yó, “Tedu se tô kmò te du du?” Ominu tódô kendel mni bè yóm Dwata nô bè longit

Kul Nmò 10:31

monen mò dou, ‘Ó Kurnilyus, deng gungol Dwata yóm gel knihem, ne deng tonen se yó kem gel blayem bè yó kem élél.

Kem Lingón 35:27

Okóm hol benlayem lu kligal yó kem tau mfi dou. Tendo gel mon le, “Hol megdóyón Dwata. Hyu nawahen tmóbóng yóm tau tóbóng lówóhen.”

Kem Lingón 51:18

Ó Dwata, hol tnóbóngem mi kem kóm tau bè kóm benwu bè Sayun. Bud hefdaem yóm beng hmilol Jirusalim.

Kem Lingón 20:5

Ke yó nmò Dwata béléem, ngem kà gotu me hligal mensag. Hnigal me yóm kegmoem, hlan me bè kdóyón me ke Dwata. Dwata he malà du yóm kdê gel hnihem béléen.

Kul Nmò 10:4

Ya tey sidek klikò Kurnilyus, tódô hnunuhen, monen, “Moem kut de, Sér?” Ominen bud mudél yóm hógów Dwata, monen, “Tey hyu nawa Dwata bè yóm gel knihem, ne tonen snéen yóm alì kbasahem yó kem tau wen gónó le élél. Ne ni se yóm kbalaen kóm.

Sikaraya 6:14

Lemwót yóm kuruna yó, sù ye lem yóm Gónô Dwata mò gónó ye hemtulón kul nawa le Hilda ne Tubidya ne Jidaya ne Jusaya ngà Sifanaya, yó kem tau gónón gu lemwót.

Kem Lingón 122:6

Hol tekuy gel mni bè Dwata anì menek nim benwu Jirusalim, yó mon te, “Dwata he hemtilob kógów klowil le yó kem tau kembong nawa du yóm Jirusalim.

Istér 4:11

“Yóm udin bè nim benwu ni, ke wen tau logi duhen libun lembù mógów ebè tum tau hol geta na a ston du ke là deng tinoken du, tódô hnatay le. Laen dù tau bè klamang nim benwu nogoten ke là deng tngónen du yóm udin ni, lenwóten bè yó kem tau gel hmau du kkólen bè yó kem tau hkawang bè prubinsyahen. Són gónón là matay ke dugol yóm tau hol geta ebéléen tum tuged blówón gel nogoten. Blaem deng sbulónen ni ne yóm kegenen là deng bud tminok dou yóm tau hol geta.”

2 Tutul Israél 26:5

Bè yóm hanà tolo kegenen du Sikaraya, yóm tau tendo hlolò du ke Usiya yóm klikò ke Dwata, són Dwata gónó Usiya smalig. Yóm igoen tendo smalig ke Dwata, tey wen uléken yóm kdê nmoen.

Nihimaya 1:4

Bè yóm kungolu du yóm kdéen ni, tódóe hdung myón ne tey kkiku. Botong hilu kdawu lemangag du yóm deng gungolu yó, là kóe mken. Tódô henlelu mni bè Dwata, monu mò du,

Kem Lingón 102:17

Angat bnalaen yóm hni yó kem tau laen dù gónó le ma. Là kô nan e kenbê du yó kem hni le.