Nihimaya 2:14 - Udél Dwata: Gna Kesfasad ne Lomi Kesfasad

¹⁴ Ominu hlós fi dmata kdaw yóm syudad, moole ebwak ebè yóm bak tikeb boluyen Bak Tikeb Sfut, efete kól bè Busung Tau Geta. Yóm kudà asnu snakayu botong tô là bud gbeken du mógów, bà mon yóm tey lusok botu lemwót bè yóm beng deng gebà.

Nihimaya 2:14 Referans Kwoze

2 Bok Kem Tau Hol Geta 20:20

Yó kem dumu deng gendeng Hisikaya bè yóm igoen mogot benwu, yóm tey kfasangen, ne yóm kmoen busung él, ne yóm kmò kholohen du elem syudad yóm él yó, deng gotu snulat bè yóm bok boluyen Tutul yó kem Tau Geta bè Juda.

2 Tutul Israél 32:30

Du se yóm Hisikaya tehe hefseng yóm él Gihon fi leged bè yóm sana kun gónó e mlel, ne wen tubu gónón hlan du anì yó mlel fi desdef elem syudad Dabid yóm él yó. Bè ket nmò Hisikaya, sal wen uléken.

2 Bok Kem Tau Hol Geta 18:17

Lemwót yóm tau hol geta bè Asirya, wen tlu kmandér hógówen etu bè Jirusalim, mung kul yó kem tey sendalù wen le anì na le e nundug Hisikaya bè Jirusalim. Bè yóm kkól le ditu bè Jirusalim, tódô tenfeng le yóm lan gónó le gel hbukay nes yó kem tau gel mò nes bè kilil yóm kanal él lemwót bè yóm él senbusung le tofi ta.