Nihimaya 2:13 - Udél Dwata: Gna Kesfasad ne Lomi Kesfasad

¹³ Tolo kifu he yóm kewótu bè yó bè syudad, mlane fi desdef bè yóm bak tikeb bnoluy le Bak Tikeb Datal efet niusu Sfut Él Swaga fi leged efete kól bè Bak Tikeb Fól. Bè yóm igou mógów tendo henklol hnénégu yóm beng syudad deng gotu gebà ne yó kem bak tikeben deng gotu mlób.

Nihimaya 2:13 Referans Kwoze

Nihimaya 1:3

Ne tulón le dou yóm tey keglayam yó kem tau deng bud kól bè Juda, yóm alì kehegnok le kul yó kem tólóng tau hmilol kul. Tulón le dou snéen sana tolo kegbaen yóm beng botu hmilol Jirusalim ne là dengen bud hyu yóm bak tikeben lemwót bè yóm tehe ktem le du.

Nihimaya 2:17

Okóm bè yóm kkólu yó, yó monu mò kul, “Deng hónô tngón ye se nim gfà tekuy ni lemwót bè yó sem tolo kegbà Jirusalim ne deng gotu mlób yó kem bak tikeben. Bud hdà tekuy dé yóm beng botu hmilol yóm syudad tekuy anì laen dù bud gónó tekuy myak.”

Nihimaya 2:3

bnalau se, monu, “Hol tahà he ktauhem. Moen se ke là lenbang nawahu du yóm syudad tehe gónó le lembeng yó kem tehe fuu, hanà tolo gebà ne yóm bak tikeben deng gotu mlób?”

2 Tutul Israél 26:9

Wen kem gónô geta alì mbegel mò gónô mentey hefdà Usiya bè kem bak tikeb bè Jirusalim, hefdaen bè Bak Tikeb bè Sokok Beng, ne Bak Tikeb bè Datal, ne bè Bak Tikeb gónón Sigol Beng, gotu hefdaen.

Nihimaya 2:15

Yó gónóm mon, tódóe hlós edlem ebè Datal Kidron bè yóm igou hménég yóm beng botu hmilol. Ominu bud mulék ebè yóm sana lan lolou, muléke elem syudad bud lanu bè Bak Tikeb Datal.

Nihimaya 2:12

ne laen kô dù tau tnulónu bè yóm hmò Dwata do bè Jirusalim. Tikóng sóól buteng btike ne hewae, wen hilu nwitu bè yó kem dumuhu mung do. Tek sotu kudà nwit me són yóm kudà asnu dou snakay.