Nihimaya 2:10 - Udél Dwata: Gna Kesfasad ne Lomi Kesfasad

¹⁰ Okóm kul le Sanbalat yóm tau lemwót bè Bét Horon ne Tubiya yóm tau genlal bè prubinsya Amun, bè yóm kungol le du yóm kwen tau tmóbóng yó kem tau Israél, ya tey kekbê le du.

Nihimaya 2:10 Referans Kwoze

Nihimaya 4:7

Okóm tikóng bud gungol le Sanbalat ne Tubiya ne yó kem tau Arab ne kem tau Amunayt ne kem tau Asdod yóm kehlel me mò nmò, ne yóm deng ksikof me yóm tehe gónón gawang yóm beng botu yó, ya tey bud sidek kebut le kum.

Nihimaya 2:19

Tikóng gungol le Sanbalat ne Tubiya ne yóm sotu tau Arab boluyen Gésém yóm atul me yó tey kuli le kum, mon le, “Tedum tô nmò ye ni du? Ilóem tô natù ye kô yóm tau hol geta?”

Kem Udél Hlalak Tehe Selumun 27:4

Yóm kebut tau tey sidek ne tey te glayam du okóm udì he nim ni ke hsenged te bè yóm keglayam te du yóm klenget tau.

Kul Nmò 5:24

Timbow gungol yó kem geta gel demsù ebè Dwata ne yóm kfitan bè yó kem tau mentey bè Gónô Dwata, ya tey sidek ketnga le, sónmò le hemdem du yóm mò kmoen.

Kul Nmò 4:2

Ya tey keklit le du yóm ktolok le Pitér, abay se yó gel tulón le yóm deng bud klowil Jisas. Ne bè yóm deng bud klowilen yó, yó se hol gónó le temngón du yóm angat bud klowil yó kem dumu tau deng matay.

Kem Udél Hlalak Tehe Selumun 30:22

Duhen ni kem ni: Yóm hesek ke baling tau hol geta ne yóm tau là sikof kehedemen sok gemtu

Kem Lingón 112:10

Yóm kul kmò yó, gel ton yó kem tau gel mò sidek, deng le mom semdken beeng botong kebut le du. Okóm yó kem tau sidek nmò le yó, tódô le kendel lana lem benwu, là balingen yó kem tô atul le.

Istér 10:3

Nim Murdikay ni tau Ju se kun, du se hol gfi bè Sérksis. Tey kadat le du yó kem dumuhen Ju ne tey kehyu nawa le ebéléen lemwót bè yóm tey khotuhen nawahen mò du yóm hyu bè yó kem dumuhen ne sal gel nfihen lu bè yóm kmoen nmò bè yóm tau hol geta.

Jirimaya 41:10

Omin Ismaél lemwót gotu negefen yó kem ngà libun boi Sidikaya, dalang se yó kem dumu tau tebel bè yó bè Mispa, tô nwiten lu ebè benwu Amun. Ni kem tau negefen ni, hono kem tau deng hogot Nibusaradan ke Gidalaya, yóm Nibusaradan kmandér bè yó kem sendalù Babilun.