Nihimaya 10:29 - Udél Dwata: Gna Kesfasad ne Lomi Kesfasad

²⁹ gomong me bè yó kem tau gónó me gel galak bè yóm ksafà me bè Dwata. Ke nulé me yóm safà me ni, hol tnafak Dwata mi ne henmóyô me yóm tafak Dwata kum yó. Yó safà me ebè Dwata, bè yóm klawi me mowil là gbek me du ke là lolò me du yó kem deng Hlau Dwata kum, yó kem hlau tehe hlanen bè Musis yóm tau tóbóng lówóhen. Là gbek me du ke là nimón me du yó kem kdê hlauhen kum yóm sana kum Dwata hol gónó mogot. Là gbek me du snéen ke snonol me yó kem hlauhen kum ne yó kem hloloen kum.” Yó se yóm safà yó kem tau Israél bè yóm kimón le ke Dwata. Là gomongen bè nili yóm bérs 30 kól bè bérs 39. Yó tulónen yóm gotu klista le yóm kdê hlau Dwata kul mò hol nimón le. Là gomongen bè nili yóm tsaptér 11, Yó tulónen bè ni yóm kmò kélék le yó kem tau mò menwu bè Jirusalim ne yóm boluy yó kem tau deng nélék le yó. Lemwót bè yóm là hol bud kwen yó kem tau menwu bè Jirusalim, yó gónó le mélék kem tau mò gmónô lem yóm syudad yó mò fen tmóbóng mentey du bè yó kem hohon le. Yó tulónen bè tsaptér 12 yóm gotu klista le yó kem tau blóng ebè Dwata ne yó kem sfu Libay mung ke Sirubabél gna mulék ebè Jirusalim ne yóm nmò le bè Gónô Dwata bè yóm kkól le. Bud tulónen bè ni snéen yóm tey kehligal le bè yóm kehfun le du ebè Dwata yóm beng hmilol Jirusalim. Bè yóm kehligal le yó, wen lewu lumbuk tau semngal mógów ta yóm beng yó. Sotu lumbuk semngal mógów fi ebè kwanan ne sotu lumbuk semngal mógów fi ebè iwóng. Ngang le hligal semngal mógów efet le bud segeslong yóm kdê le ditu bè dolin. Yó tulónen bè tsaptér 13 yóm bud kulék Nihimaya ebè Babilun bè yóm tau hol geta bè Pérsya tehe gónón mò nmò. Ominen bud mulék ebè Jirusalim. Bè yóm bud kkólen bè Jirusalim, tey sidek kebuten abay se wen bè yó kem tau Israél là bud blay le du ebè Dwata yóm gesfoloen ne deng le mom hembalù bè kdaw kehegnô. Lel le mom myehen bè yó kem tólóng libun hmilol kul. Yó nmò Nihimaya, tey kudélen kul ne hmoen kul yóm deng hlolò Dwata kul. Tahu se, lolò le.

Nihimaya 10:29 Referans Kwoze

Isikél 36:27

Suu bélê ye yóm dou tulus anì nimón ye yó kem dou hlau kuy ne anì wen ketgama ye mò du yóm dou hlolò kuy.

Kem Lingón 119:106

Tey mget yóm tehe fasadu kóm, duhen yóm kimónu yó kem tedeng gel hloloem kum.

Kun Snulat Jan 15:14

Weu yu ke nimón ye yóm hlauhu kuy.

Sulat Pol Ebè Yó Kem Tau Hemtahu Bè Rom 12:9

Béen olo són te kulit yóm kbong nawa ye kem dumu ye. Hol hegfan ye yóm hol tahu kesbong nawa. Hol knogol ye kdéen sidek. Hol lolò ye yóm hyu.

2 Tutul Israél 34:31

Lemwót yóm tau hol geta mdà klohok yóm sotu hehek bè Gónô Dwata bè yóm tey kfasangen. Ne bè yó bè solu Dwata, bud hnomihen yóm tehe senfasad le Dwata yó kem tau Israél. Fasaden ke Dwata yóm hol kehewóten du lem but blututen yóm kimónen du yó kem hlauhen kul dalang se yó kem hloloen kul. Fasaden ke Dwata yóm kimónen du yóm kdê yó kem nô lem yóm bok, yóm deng tehe senfasad le Dwata yó kem tehe fù le.

2 Bok Kem Tau Hol Geta 23:3

Lemwót yóm tau hol geta, mdà klohok yóm sotu hehek bè Gónô Dwata. Ne bè yó bè solu Dwata bud hnomihen yóm tehe senfasad le Dwata yó kem tau Israél ekni. Fasaden ke Dwata yóm hol kehewóten du lem but blututen yóm kimónen du yó kem hlauhen kul, dalang se yó kem hloloen kul. Fasaden ke Dwata yóm klolò le du yóm deng snulat lem yóm Bok Fasad. Ominen kdê yó kem tau, gotu le fmasad se kul bè yóm hol kimón le du yóm kdê deng nô lemen yóm bok yó.

Kul Nmò 23:21

Okóm béem abay hwit etu bélê le, abay se deng wen mukas fat folò hmékét du bè lan anì hnatay le. Hyu deng wen senfasad le, mung du safà le, là tagad le mken ne minum ke là deng ghatay le du. Deng le gotu hékét ne yó kem tau yó, nangat le yóm khógówem du etu.”

Kul Nmò 17:34

Okóm wen se bélê le mung béléen ne baling le tau hemtahu. Sotuhen, yóm tau boluyen Junisyus, sotu tau mogot kukum bélê le. Bud yóm libun boluyen Damaris, ne wen he kem dumu tau baling hemtahu.

Kul Nmò 11:23

Timbow kól bè yó, ya tey kehyu nawahen yóm ktonen yóm któbóng Dwata kul. Gel gendufen lu anì hol le teneb, ne là monol nawa le ebè yóm gónó le mogot.

Kun Snulat Jan 7:19

Igò Musis se deng bemlay du kuy yó kem hlau, là sem dog nimón ye du. Moen de ke sónmò ye móló hmatay dou?”

Kun Snulat Jan 1:17

Bè yóm tehe keblay Dwata yóm hlau ekni, hlanen bè Musis. Okóm bè yóm kehegfanen du yóm hol klinggel nawahen ne yóm hol ktahuhen, hlanen bè Jisas Krays.

Malakay 4:4

“Hol bê ye abay klifót mimón du yó kem tehe hlolò Musis kuy yóm tau tóbóng lówóhu. Ditu bè Bulul Sinay gónóhu tehe bemlay du yó kem dou hlau, ne yó kem dumu hlolou kul mò nimón yóm kdéen tau Israél.

Jirimaya 26:4

Hol monem mò kul, ‘Ni se udél yóm sana Dwata hol gónó mogot, monen, ke là hnungol ye dou ne ke là lolò ye du yóm hlau deng hlolou kuy

Isaya 14:1

Angat bud mulék kodu Dwata kul yó kem kun tau Israél. Angat bud néléken lu mò hol kun tau nfun. Angat bud huléken lu ebè yóm sana kul benwu ne wen se kem tólóng tau angat mung menwu bélê le bè yó.

Kem Lingón 105:45

Yó gónón mò du bè yó kem tau néléken yóm yó, anì nimón le yóm kun hlau kul ne yóm kun hlolò kul. Hol tendo dóyón tekuy dé Dwata.

Kem Lingón 8:9

Ó Dwata, uu se yóm mogot kum. Tey gfan bè klamangen benwu yóm kegetahem.

Kem Lingón 8:1

Ó Dwata, yóm hol gónó me mogot, deng tey gfan bè klamangen benwu yóm alì kegeta yóm boluyem Botong gefet ditu ta yó kem longit seglafin yóm tey keslinangem.

2 Tutul Israél 6:16

Duhen yó, Dwata yóm kum Dwata yó kem tau Israél, bude mni béléem anì bud dnohoem yóm tehe dumu fasadem ke mà, yóm tehe kmonem du mò du, ‘Angat tendo wen bè yó kem lugodem baling tau hol geta bè Israél, syan ke hol ten-gama le kmò le, ne hol nimón le yóm hlauhu, lómón yóm kóm kimón du.’

Dwata 33:4

Deng hol hlolò Musis tekuy yó kem hlau Dwata. Nim hlau ni, hol lómón ke kimu alì mebtes nô bélê tekuy.

Dwata 5:32

Ne ni, kem tau Israél, hol nimón ye yó kem hlauhen kuy yóm sana kuy Dwata hol gónó mogot. Hol béen abay wen glafang ye bè yó kem hlauhen kuy.

Dwata 5:1

Omin Musis gotu htaba yó kem tau Israél ne monen mò kul, “Ó kem tau Israél, hol hnungol ye yó kem hlau Dwata tulónu kuy kemdaw ni. Hol dnalang ye ne hol nimón ye.

Nihimaya 9:38

Ne ni, Dwata, lemwót bè yóm kdê deng glan me ni, mi kem tau Israél, wen safà nmò me béléem. Sù me bè sulat yóm fasad me ni, omin me hefema du bè yó kem tau gónó me gel galak ne bè yó kem sfu Libay ne bè yó kem tau gel blóng me ebéléem. Yóm kdê le, gotu le fema lemen.”

Nihimaya 8:2

Tahu se, nwit Isra yóm bok yó ebè yóm deng gónó le stifun yó kem tau, kem logi ne kem libun ne yó kem ngà deng hulung hmungol du yóm hlau Dwata.

Nihimaya 8:3

Bè yó bè plasa yóm Bak Tikeb Él gónó Isra semfala du bélê le yóm hlau yó. Tódô lenwóten hlafus kól gtungó semfala du bélê le. Ne tey le teneb hmungol du yóm kdéen tau.

Nihimaya 9:2

Tódô kdê yó kem tau Israél, gotu le hetsik gu bè yó kem tólóng tau nô lem blóng le ne yó nmò le, gotu le mdà ne gotu benkas le ebè Dwata yó kem salà le ne salà yó kem tehe fù le.