Nihimaya 1:4 - Udél Dwata: Gna Kesfasad ne Lomi Kesfasad

⁴ Bè yóm kungolu du yóm kdéen ni, tódóe hdung myón ne tey kkiku. Botong hilu kdawu lemangag du yóm deng gungolu yó, là kóe mken. Tódô henlelu mni bè Dwata, monu mò du,

Nihimaya 1:4 Referans Kwoze

Danyél 9:3

Yó gónóhu tódô smolu ebè yóm sana kum Dwata hol gónó mogot hkoduhe béléen, balù udì ke mkene bè yóm kehkoduhu yó lelu mnes sakù, tódóe myón lem kohù bè yóm klangagu.

Kem Lingón 137:1

Myón me bè kilil yó kem él bè Babilun. Tey kkik me bè yó, gtulón bè nawa me Sayun yóm kum benwu.

Nihimaya 2:4

Snólóken o yóm tau hol geta yó, “Tedu se tô kmò te du du?” Ominu tódô kendel mni bè yóm Dwata nô bè longit

Sulat Pol Ebè Yó Kem Tau Hemtahu Bè Rom 12:15

Ke hligal kem dumu ye, gbót ye hligal bélê le. Ke wen knangag le, gbót ye langag bélê le snéen.

Sifanaya 3:18

Yóm kligalen yó, hol lómón kligal yóm tau mung bè gónó mò ken bong.” Yó bud udél Dwata, monen, “Angat kóhu bélê ye yóm gónó ye glayam anì laen dù bud gónó ye myak.

Danyél 2:18

Hefnihen lu bè yóm Dwata nô bè longit anì knoduhen lu ne hegfanen bélê le yóm kna yóm tau hol geta là tngón dumu tau du anì là gomong le matay bè yó kem dumu tau temngón bè Babilun.

Juna 1:9

Bnalà Juna lu, monen, “Tauhe Hibru se do. Yó do gónó hemtahu bè yóm Dwata nô bè longit. Du se tehe dmimun tonok ne mohin.”

2 Samwél 12:16

Tey kehkodu Dabid bè Dwata bè yóm ngà yó, botong fasting, ne suloyen buteng hlilil talak tonok.

Kem Lingón 136:26

Hol dóyón tekuy yóm Dwata nô bè longit. Laen kô dù tul sónen yóm kbong nawahen tekuy là monolen.

Danyél 10:2

Ou Danyél mon du yóm ni. Bè yóm kdaw ktonu du yóm hton Dwata béléu yó, deng tlu fedyanu ne tendo langag.

2 Bok Kem Tau Hol Geta 22:19

Bè yóm kungolem du yóm udélu eta yóm syudad ni ne eta yó kem tau nô lemen, ne bè yóm kungolem yóm kehmulau yóm benwu ni anì laen dù bud tauhen, botongi hegsel ne heglaani béléu, botong gekséem nesem, lelem mkik bè yóm kehegselem. Duhen yó, deng gungolu se yóm knihem béléu, mon Dwata.

2 Tutul Israél 6:13

Wen gónó le gel hegewà sok wen kestifun hmoen bè tembaga deng hdaen bè yó, mukas lewu mitru klamangen ne mukas sotu mitru kegetahen. Suen bè gónón sóól lósól yóm Gónô Dwata. Ominen motun etahen ne mdà bè yó, ne ominen mtud bukolen bè solu yóm kdéen tau Israél, nbólen eta bè longit hólólen.

Isra 1:2

“Ni se udél Sirus ebélê ye, yóm tau hol geta bè Pérsya. Yóm sana Dwata hol gónó mogot yóm Dwata nô bè longit, deng gotu hkamalen do yóm klamang benwu. Deng fen sigangen tahu bud hemdà du yóm kun Gónô bè Jirusalim yóm syudad glem lem Juda.

Nihimaya 2:20

Okóm yó balau kul, monu, “Yóm Dwata nô bè longit fen tmóbóng kum anì wen gendeng me. Mi se yó kem kun tóbóng lówó ne nbut me ne ni bud hdà du yóm beng botu. Okóm kuy, laen dù kuy du yóm tonok bè Jirusalim ne laen se dù kuy ólól du.” Là gomongen bè nili yóm tsaptér 3. Yó tulónen yóm kmò kehdà le du yóm tey beng botu geta lelen lamang hmilol Jirusalim. Yó kmò le du, nólól le bè kdéen tau nô bè Jirusalim anì yó, tódô kdê le gotu semtóbóng mò du. Bud tulónen bè ni snéen yóm boluy yóm kdéen tau bud hemdà du ne yóm gónó le seblà fi bè yóm kmò le nmò bè yóm beng botu yó. Wen sotu tau tmóbóng mò yóm beng botu yó boluyen Baruk. Yó tulónen gbak béléen yóm tey khotuhen nawahen tmóbóng mò yóm beng. Ne bud wen se tulónen gbak bè yó kem tau gel malak bè benwu Tikwa, okóm yó tulónen gbak bélê le yóm là kóyô le tmóbóng mò yóm beng botu yó.

Kem Lingón 102:15

Yó kem benwu talak tonok, angat setbol kkel le bè solu Dwata. Yó kem tau hol geta talak tonok, angat setbol kkel le bè yóm tey kegetahen.