Nihimaya 1:2 - Udél Dwata: Gna Kesfasad ne Lomi Kesfasad

² Sotu kdaw, gdek béléu yóm sotu dumuhu sulil-lem boluyen Hanani lemwót bè Juda ne wen kem dumuhen mung du. Snólóku bélê le yóm mò kmoen bè Jirusalim ne mò kmò yó kem dumu me Ju tehe negef deng bud kól bè yó gu bè Babilun.

Nihimaya 1:2 Referans Kwoze

Tekang Kbuten 14:10

Yóm Datal Sidim, tey wen kem sol nelemen, hono hitok alì miket yóm lemen, yóm hitok boluyen aspaltu. Bè yóm kesgida le, là gemmò le yó kem tau hol geta lemwót bè Sodom ne Gomora, gotu le mlóy yó kem sendalù le. Wen se bélê le btang elem yó kem sol yó koni ne fen le mlóy etu lem bulul yó kem dumu.

2 Bok Kem Tau Hol Geta 24:14

Botong sfolò libu tau negef Nibukadnisar gu bè Jirusalim. Kdê kem ngà tau hol geta, ne yó kem sendalù alì hulung sfatay, kem tau wen kenhulung tdok le bè koyu, ne kem tau msól gotu negefen. Tek són tebel bè Jirusalim, són yó kem tau alì élél.

2 Bok Kem Tau Hol Geta 25:12

Okóm wen kem tau alì élél tebel yóm kmandér yó mò fen mentey yó kem gónó le mulu grép ne yó kem uma bè yó.