Nahum 3:6 - Udél Dwata: Gna Kesfasad ne Lomi Kesfasad

⁶ Angat sohulu kóm kê, tey khisiku kóm. Angat nmou uu mò sentngel kem tau.

Nahum 3:6 Referans Kwoze

Malakay 2:9

“Duhen yó, lemwót bè nim deng nmò ye ni, angat heglaanu yu bè solu yóm kdéen tau Israél ne angat kenhisik le yu lemwót bè yóm là kimón ye yóm dou kóyô. Ke gel ye kmukum là tedengen, sal wen nfi ye,” udél Dwata ebè yó kem tau mò blóng tau ebéléen.

Hibru 10:33

Deng tódô henyak le yu bè gónón wen, ne hensidek le yu. Okóm kuy, mom nfi ye yó kem dumu ye hemtahu deng gónó le mò du yóm yó.

1 Kurin 4:9

Bede bélê me kum kem tau deng nélék Krays mò gel hógówen, bè dou kehedem du, dô mi se yó kem tau deng alì heglaan Dwata bè kdéen. Ne lómón ke mi yó kem tau deng nfét mò hnatay bè gónón wen. Tódô kdéen tau temngel kum, ne balù tu kem hógów Dwata gu bè longit, gotu tenngel le mi se kul.

Nahum 1:14

Yó bud udél yóm sana Dwata hol gónó mogot ebè yó kem tau Asirya nô bè Ninibi, monen, “Laen dù bud ngà ye ne mò bud mit yóm kuy boluy. Angat gotu genbau yó kem dwata kéng nô lem yóm gónô gónó ye gel tmaba ebélê le. Deng eles hokolu sol ye abay se hono sidek yóm gel nmò ye ne là kô hyu hlowil kuy.”

Sulat Jud 1:7

Ne hentulón ye nawa yó kem tau tehe menwu bè yó kem syudad Sodom ne Gomora ne yó kem benwu hmilol kul. Tódô nmò le yóm tehe kul nmò yó kem hógów Dwata monu yó koni bè yóm kmò le samuk. Là són du bè kem libun gónó le mò du, balù bè kem kul dumu logi snéen sana kmò le du. Yó kmò Dwata kul, gotu tnafaken lu bè yóm ofi laen kô dù sónen. Ni se yóm eles hetngónen bélê tekuy anì là nmò tekuy du yóm sidek.

1 Kurin 4:13

Sok wen semdekà kum, mom hyu gel balà me kul. Efet nim kmoen ni, yó kmò kehedem le kum, hol lómón ke tau laen dù muhen, lómón yóm fól gel bot le.

Malakay 2:2

Ke là hnungol ye du yóm monu mò kuy ni ne ke là sù ye du bè nawa ye yóm kadat ye do, angat wen tey tafak sidek hwitu ebélê ye. Balù yó kem dsù gel nwit kem tau ebélê ye mò lowil ye, bud gomong megtafak. Bè ktahuhen, deng tlesu du tafak yóm kdê hyu gel blayu kuy abay se là nóen bè nawa ye madat do.

Sifanaya 2:15

Yó se angat glumfak syudad Ninibi, yóm syudad alì heklabak mon du, “Bè kdéen syudad talak tonok, laen kô dù mkél dou bè yóm alì kfasangu.” Okóm ni, nam tenngel yóm tey ksidek kegbaen, baling benwu gónó le nô yó kem ógóf lem bnes. Kihu tau mlan bè yó gotu kemyà du ne tódô le gotu hising.

Hbakuk 2:16

Okóm yu se bud angat mulék myak tles yóm tehe któtól ye. Yu se tles bud lengel ne heglénggé. Angat wen hinum Dwata kuy, duhen yóm tafaken kuy. Ne yóm tey tehe któtól ye, angat bud mulék yak ye.

Malakay 2:3

Yó kmò ktafaku kuy là kô ye bud mból, laen kô dù bud ngà ye. Ne angat gotu tudau elem uyó ye kê yó kem ógóf gel dsù ye ebéléu ne mung botu yu e desenfól.Omin ye yó he temngón du ou se deng hlolò du kuy yóm dou hlau anì laen dù sengen yóm deng tehe senfasad me yó kem sfu Libay, duhen yóm kehlós yóm keseblóng le kem tau Israél ebéléu. Ke tódô bayau yóm kmò ye sidek, là gbeku du ke là genbau du yóm tehe senfasad me yó,” udél yóm Dwata laen dù là gbeken du.