Nahum 3:5 - Udél Dwata: Gna Kesfasad ne Lomi Kesfasad

⁵ Yó udélen ebéléen yóm Dwata laen dù là gbeken du, monen, “Tey sidek khohonu kóm, Ninibi. Angat tódô hdau uu là lemwék ne angat tey sidek kyakem bè yóm angat kton le lówóhem yó kem dumu benwu.

Nahum 3:5 Referans Kwoze

Nahum 2:13

Yó udél yóm Dwata laen dù là gbeken du ebè Ninibi, monen, “Ou se deng hnohonem. Angat gotu ntemu yó kem klitun tók gel nit ye bè gida ne yó kem sendaluem angat le gotu matay bè sudeng. Laen dù bud negef ye ne bè dumu benwu. Laen dù bud benwu mungol du ne udél yó kem tau tehe gel dók ye ebélê le.”

Hbakuk 2:16

Okóm yu se bud angat mulék myak tles yóm tehe któtól ye. Yu se tles bud lengel ne heglénggé. Angat wen hinum Dwata kuy, duhen yóm tafaken kuy. Ne yóm tey tehe któtól ye, angat bud mulék yak ye.

Mika 1:11

Ó kem tau bè Syafir, hol ye hyak bè yóm kegef le kuy laen dù nes. Yó kem tau bè Saanan, là kô le hewà gu lem syudad le, likò le. Yó kem tau bè Bit-isil, gotu le langag, abay se laen dù gónó le hofin bè yó.