Nahum 3:3 - Udél Dwata: Gna Kesfasad ne Lomi Kesfasad

³ Ngem, tódô temfasù yó kem sendalù smakay kudà, tódô smilà bak sudeng le, bak buyus le kéng dilóf ofi. Nawaw tódô hgasà tau matay, là kô gbekem msó kul hilu luduk hono tau deng matay. Yó kem tau tô mlóy, gotu le tlokob ta le.

Nahum 3:3 Referans Kwoze

Hbakuk 3:11

Tódô htengen yóm kdaw ne yóm bulón, olo bè ksilà yó kem hanak gtiem nebuyusem mom smilà.

Isaya 37:36

Bè yóm kifu yó, wen sotu hógów Dwata gu bè longit ebè yóm kul kamfù yó kem sendalù Asirya. Botong lematu bud wolu folò limu libu sendalù Asirya hnatayen. Bè yóm deng kwasen tódô hgasà kem sendalù, deng le gotu matay.

Nahum 2:4

Ya tey kehlóy le kul yó kem kudà le demyol klitun tók bè yó kem lan ne bè yó kem plasa. Hol lómón ke mkal silà yóm tey ketlasik le, tendo kemnit sminang lómón tô solok gel nit mógów.

2 Bok Kem Tau Hol Geta 19:35

Bè yóm kifu yó, wen hógów Dwata gu bè longit ebè kamfù yó kem tau Asirya, botong lematu wolu folò limu libuhen tau hnatayen. Bè yóm kebtik le hlafus yó kem sendalù Asirya dù mowil, ton le deng tódô hgasà tau matay bè klamang kamfù le.

Tekang Kbuten 3:24

Ne wen kem hógówen gu bè longit hbenteyen bè fi dmata kdaw yóm hungul yó. Wen sudeng sù Dwata bè yó, tódô eles sedlu dilóf bè baken ne tendo hilóy lowi anì laen dù tau gehloni ebè yóm koyu hlowil tau.