Nahum 3:19 - Udél Dwata: Gna Kesfasad ne Lomi Kesfasad

¹⁹ Là gbek bulung du yóm haliem, yó se angat hatayem. Tey kligal le yó kem tau mungol du yóm gfaem. Gotu le mensag abay se laen dù tau bè klamangen benwu ke là deng gnóm le du yóm tey sidek kmò ye ebélê le.

Nahum 3:19 Referans Kwoze

Mika 1:9

Abay se deng tey nelem ne halì yó kem tau bè Samarya ne là bud gbek bnulung du. Balù bè Juda deng gefet ditu ne yóm hlayam yó ne balù bè bak tikeb Jirusalim, benwu gónón nô yó kem dou dumu, deng bud gefet bè yó snéen.

Isaya 37:18

Deng gotu tngón me, Dwata, tey dê benwu deng tehe genbà yó kem tau hol geta bè Asirya ne gotu negef le yó kem tau tehe nô bè yó kem benwu yó.

Deng Hegfan 18:20

Okóm kuy du, yóm kdê ye gel nô bè longit, hol ye hligal lemwót bè yóm deng keglaen. Hligal ye ne, yu kem tau Dwata, ne yu kem tehe gel hógów Jisas, ne yu kem tehe gel tugod Dwata, abay se deng tnafak Dwata ne lemwót bè yóm tehe sidek nmoen bélê ye.

Deng Hegfan 17:2

Kdéen tau hol geta bè klamangen benwu, gotu nbóten lu nim libun ni. Ne kdéen tau talak tonok, gotu gbót hlengel minum béléen mò lanen mit kul mò sidek.”

Deng Hegfan 13:7

Ne na tódô bayà Dwata du snéen yóm kwiten sgida bè yó kem tau Dwata ne yóm fen katuen bélê le. Na hlun bud bayà Dwata du se yóm kwalisen mogot kul yó kem tau lemwót bè ket ból tau ne bè ket kay udél ne bè ket but tau.

Jirimaya 10:22

Hnungol ye dé, wen tulón sut. Tey sendalù wen lemwót gu bè yóm benwu fi bwak, angat gotu genlà le yó kem tau bè benwu Juda. Henbaling le benwu mò gónó le nô yó kem ógóf lóbô lem bnes.”

Jirimaya 30:12

Yó bud udél Dwata ebè yó kem tauhen, monen, “Yóm halì ye là kô gbek bnulung du, tey halì sidek.

Isaya 37:11

Deng hónô gungolem se yóm gel nmò yóm tau hol geta bè Asirya ke wen benwu nóyô genbaen. Yó kô kóm hendem angati gewà lem tdoken?

Juna 1:2

yó monen mò du, “Ó Juna, mógówi etu bè Ninibi bè yóm tey syudad bong, nam e tulón yó kem tau bè yó yóm deng khulenu kul lemwót bè yóm deng kgulé yóm sidek nmò le.”