Nahum 3:18 - Udél Dwata: Gna Kesfasad ne Lomi Kesfasad

¹⁸ Tey nawaw uu, Tau Geta bè Asirya. Deng le gotu matay yó kem gubérnorem, dalang se yó kem genlalem. Deng le gotu sekla gu lem bulul yó kem tauhem, laen dù bud semtifun kul.

Nahum 3:18 Referans Kwoze

1 Bok Kem Tau Hol Geta 22:17

Omin Mikaya mon du mò du, “Wen hton Dwata do. Tódô tonu yóm kdéen tau Israél, deng le gotu sekla ta yó kem bulul lómón tô le kem ubiha laen dù tau mentey kul. Ne yó mon Dwata, ‘Deng matay yóm tau malak kul. Hulékem lu anì menek nawa le.’ ”

Deng Hegfan 6:15

Yóm kdéen tau te tonok, tódô le gotu tô hebnos lem yó kem kilib ne lem blóng yó kem botu lembang ditu lem bulul, kdéen tau hol geta, ne kdéen tau wen glalen, ne kdéen geta bè yó kem sendalù, ne yó kem tau kwasa, ne yó kem tau wen kfasang le, ne kdéen dumu tau, tau hesek ne tau là heseken, gotu le tô hebnos.

Kehewà 15:16

Gefet bélê le yóm tey sidek klikò le. Ton le yóm tey kgisem, Dwata. Lemwót bè klikò le yó gónón laen dù gmò le efet niwes le lu yó kem kóm tau, yó kem tau deng lenwaem bè yóm gónó le ghesek.