Nahum 3:16 - Udél Dwata: Gna Kesfasad ne Lomi Kesfasad

¹⁶ Yó kem tau mò udél swa lem benwu ye, tey kwen le, hol lómón kwen yó kem blotik bè longit na le e hennok kendengen yóm syudadem. Okóm hol lómón ke yóm lumbuk tlangas olo le himot mken yó kem hulu, omin le bud móyóng mayuk.

Nahum 3:16 Referans Kwoze

Jirimaya 33:22

Angat hbólu yó kem sfu Dabid yóm tau tóbóng lówóhu, dalang se yó kem sfu Libay mò blóng ebéléu. Yóm kmò kehbólu kul, hol lómó kwen le blotik bè longit ne lómón kwen le helek bè kilil mohin, là kô gbek msó kul.”

Nihimaya 9:23

Tey kehbólem kul yó kem tauhem lómón kwen le kem blotik bè longit. Sal gel hegmoem lu bè yó kem hohon le ne suem lu ta yóm tonok tehe fasadem yó kem tehe fù le.

Tekang Kbuten 22:17

Ne angat hol hwenu bólem, lómón kwen le blotik bè longit ne lómón kwen le helek bè kilil mohin. Ne angat le gel matù bè yó kem hohon le.

Tekang Kbuten 15:5

Omin Dwata mit du hewà, ne monen mò du, “Temngeli ebè longit dé bè yó kem blotik, tilów nsóhem lu. Yóm alì kwen le yó, hol lómón yó se angat kwen yó kem semfu gu béléem.”

Kem Lingón 105:34

Bud lemwót bè udél Dwata, tódô muluk yóm hol yéen tlangas mfól bè klamang benwu le.

Juwél 1:4

Tódô le stufì sut yó kem tey tlangas mfól. Yóm dù tebel yó kem tlangas gna sut, bud ken yó kem tlangas tmodol sut, ngangen efet laen dù bud tebel, tódô gotu mimot kdéen.