Nahum 3:15 - Udél Dwata: Gna Kesfasad ne Lomi Kesfasad

¹⁵ Okóm là dengen sóól he yóm nmoem yó deng sana kenen uu ofi, duhen ke matayi bè sudeng. Angat hnatay le u yó kem hohonem. Yóm kmò le kuy, hol le skél bè kem tlangas, gotu hensidek le nô kihu ton le. Laen dù gmoem se kóm baluen ke lómón kwen ye tlangas.

Nahum 3:15 Referans Kwoze

Juwél 1:4

Tódô le stufì sut yó kem tey tlangas mfól. Yóm dù tebel yó kem tlangas gna sut, bud ken yó kem tlangas tmodol sut, ngangen efet laen dù bud tebel, tódô gotu mimot kdéen.

Nahum 3:13

Ngem, angat le gotu lunog yó kem sendaluem, hol lómón klunog kem libun. Yó kem bak tikeb yóm syudadem, deng tódô mngal bè yó kem hohonem, deng ntem le ne gotu le mkekeb.

Nahum 2:13

Yó udél yóm Dwata laen dù là gbeken du ebè Ninibi, monen, “Ou se deng hnohonem. Angat gotu ntemu yó kem klitun tók gel nit ye bè gida ne yó kem sendaluem angat le gotu matay bè sudeng. Laen dù bud negef ye ne bè dumu benwu. Laen dù bud benwu mungol du ne udél yó kem tau tehe gel dók ye ebélê le.”

Sifanaya 2:13

Angat tnafak Dwata snéen Asirya yóm benwu fi bwak, deng eles tayalen eta le sigelen. Ne dalang se Ninibi yóm hol yê yó kem syudaden, angat henbaling Dwata benwu laen dù tauhen, heskélen bè yóm benwu là hyu menwu du.

Juwél 2:25

Yó udél Dwata, monen, “Angat bud huléku ebélê ye yó kem hulu ye deng namà yó kem tey tlangas mfól lem yóm hilu halay. Ou se tehe hemwit du ebélê ye yó kem tey tlangas mfól alì hmayam kuy yó.

Amus 7:1

Wen htonen dou yóm Dwata hol dandónen geta. Tonu yóm tey tlangas mfól deng eles hentifesen mò hwiten ete tonok. Yóm ktonu du ni, deng kogol kuta le bad yóm tau hol geta ne deng bud nbuten tmowok yóm mò kul nuta.