Nahum 3:14 - Udél Dwata: Gna Kesfasad ne Lomi Kesfasad

¹⁴ Elesi htigel, Ninibi, abay se angat senibut le uu yó kem hohonem. Eles hengónem élem mò ninum yó kem tauhem. Hol hbegelem yóm gónó ye gel heklung. Eles tenlobem yó kem beng hmilol kóm. Mógówi elem sol nam e ma tonok miket mò tlob ye yóm beng yó.

Nahum 3:14 Referans Kwoze

Nahum 2:1

Ó Ninibi, deng senibut le uu ne yó kem hohonem. Deng sut ne yóm angat gemlà kuy. Hol hwenem yó kem sendalù mofin kóm. Hol bnentey ye yóm lan yó kem hohon ye. Gotu ye htigel mit sfatay bélê le. Tnabahem kdê yó kem sendaluem.

Isaya 37:25

Yó bud udélem heklabak, tey dê kokol nelem deng hokolem bè yó kem tólóng benwu kun ne dengi gel minum él bè yó. Ne yó sotu bud udélem heklabak, deng kti kun yóm él bong bè Idyip boluyen Nayl, botong lan le semsdà yó kem tey genged sendaluem.

Isaya 8:9

Ó kem dumu tau bè tólóng benwu mayuk hol ye stifun, mung du klikò ye. Hnungol ye yu kem tau bè yó kem benwu yó, htifes ye ne mógów ye bè sfatay bede eles ye hol hlikò. Yó ne htifes ye bede eles ye hol hlikò.

2 Tutul Israél 32:11

Yó deng mon Hisikaya mò kuy, ‘Angat lenwà Dwata tekuy, yóm Dwata hol gónó tekuy mogot lem hólól yóm tau hol geta bè Asirya.’ Okóm niten yu hetlas. Yóm nmoen yó, olohen hfatay kuy bè bitil ne bè kleeng.

Nahum 2:2

Abay se yóm benwu Israél, deng tódô gotu gbà lemwót bè yóm gel kgidahem du, okóm angat bud hulék Dwata ebéléen yóm kun tehe keklóón ne yóm kun kfasang.