Nahum 3:13 - Udél Dwata: Gna Kesfasad ne Lomi Kesfasad

¹³ Ngem, angat le gotu lunog yó kem sendaluem, hol lómón klunog kem libun. Yó kem bak tikeb yóm syudadem, deng tódô mngal bè yó kem hohonem, deng ntem le ne gotu le mkekeb.

Nahum 3:13 Referans Kwoze

Isaya 19:16

Yó kem tau bè Idyip, angat kól yóm kdaw le lunog lómón klunog libun. Tódô setbol kkel le bè yóm tey klikò le bè yóm kegnóm le du, yóm deng kkuhay Dwata sigelen na a tmafak kul yóm Dwata laen dù là gbeken du.

Nahum 2:6

Okóm deng le mom getufì abay se deng le sana nô bè yó, yó kem hohon le ne deng genbà le yó kem seng bè yóm él mlel ne tòdô hesut yóm tey él bong, botong gwiten yóm gònô bong yóm tau hol geta bè Asirya.

Kem Lingón 147:13

Abay se deng gotu hbegelen yó kem bak tikeb benwu ye, ne tey któbóngen yó kem tau menwu lemen.

Kem Lingón 107:16

Gotu genbaen bélê le yó kem tey bak tikeb blanggù hen-get bala tók ne gotu tenfoken yó kem bala tók bè yóm blanggù yó.

Nahum 3:15

Okóm là dengen sóól he yóm nmoem yó deng sana kenen uu ofi, duhen ke matayi bè sudeng. Angat hnatay le u yó kem hohonem. Yóm kmò le kuy, hol le skél bè kem tlangas, gotu hensidek le nô kihu ton le. Laen dù gmoem se kóm baluen ke lómón kwen ye tlangas.

Ubadaya 1:9

Ne angat tey sidek klikò yó kem sendalù ye bè Timan deng alì layam bè sfatay. Yó nmò yó kem hohon le, gotu hnatay le lu sudeng yóm kdéen tau bè yó bè bulul Idom.”

Nahum 2:7

Bè yóm deng kdohò yóm olu Dwata bè benwu Ninibi. Tey sidek kegnóm le du yó kem libun tóbóng lówóhen bè yóm kegef le yó. Ya tey klangag le, sónmò le mtung kfu le botong alì klangag le. Hnungolem dlumu le lómón ke udél obun, sónmò le mtung kfu le botong alì klangag le.