Nahum 3:12 - Udél Dwata: Gna Kesfasad ne Lomi Kesfasad

¹² Angat gotu genbà le kdê yó kem gónóhem gel heklung. Hol lómón klahil keglà le kóm lómón ke kningò le yó kem koyu fig deng mélél bunguhen, gotu le btang elem bak yóm tau kmingò du.

Nahum 3:12 Referans Kwoze

Deng Hegfan 6:13

Ne yó kem blotik, tódô le btang ete tonok lómón ke bungu koyu tbó bè lenos bong.

Hbakuk 1:10

Tey kehnê le yó kem tau hol geta ne yó kem genlalen. Mom knuli le yóm kdê syudad mbegel beng hilolen. Mom yó nmò le muntud le tonok mò lan le mulé du.

Isaya 28:4

Yóm alì któtól le, angat hlós menes efet là bud tngónem du. Hol lómón yóm bungu koyu gna mélél, wen gna ma du mò ken ne là bud tngónem du ne.

Jirimaya 24:2

Yóm sotu abì tonu tódô hnok fig mélél lemen. Okóm yóm sotuhen hono bolok yóm fig nô lemen, là bud hyu mken du.