Nahum 3:10 - Udél Dwata: Gna Kesfasad ne Lomi Kesfasad

¹⁰ Ewenem sana kegbaen yóm benwu Tibis. Gotu negef le lu mayuk yó kem kdê tauhen. Kem ngà lemnek le gotu bot le lu te botu gu bak lan, hnatay le lu. Kem sendalù hohon le, gotu le mò atù ke mahil du bélê le gemwa du yó kem genlal gel nadat le bè yó kem sendalù Asirya mò hesek le. Kdê yó kem tuha gónó le gel galak yó kem tau Asirya, gotu nfét kem hohon le lu kedina.

Nahum 3:10 Referans Kwoze

Ubadaya 1:11

Yó buten yóm keglà ye yó abay se bè yóm kdaw kwen alì gónó le glayam yó kem dumu ye setwoli tau Israél, deng mom tódô bayà ye lu, deng ye mom mdà hlayuk, là kô dog tnóbóng ye kul. Bè yóm kdaw ksut le bélê le yó kem tólóng benwu mundug kul, gotu nuku le yó kem kendengen bè Jirusalim, omin le yó mólól du yóm syudad Jirusalim mlan bè yóm atù nmò le. Yó nmò ye se kuy, lómón ke yu sotu hohon yó kem tau Israél.

Juwél 3:3

Wen atù gel nmò le mò gónó le temngón du ke mahi du bè yó kem tauhu yóm mò hesek le. Gotu senswa le yó kem ngà logi mò bayad le yóm libun hdóyón, dalang se yó kem ngà libun hbalù le mò bli le yóm ninum lemengel.

Husiya 13:16

Yó kem tau bè Samarya angat gotu bud nuta le yóm kdê sidek deng nmò le lan le alì kmogol du yóm kul Dwata. Yó gfà le, angat gotu hnatay le lu yó kem sendalù husek bè benwu le, kkólen bè yó kem ngà lemnek angat le gotu matay lan le mbot kul te tonok. Ne kem libun mlutut bélê le, tódô gotu snifal tnibó le lu.”

Amus 1:13

Yó bud udél yóm sana Dwata hol gónó mogot, monen, “Deng tendo sensulit le mò sidek yó kem tau bè Amun, là gbeku du ke là tnafaku kul. Bè yóm kundug le ebè benwu Gilyad anì hlamang le yóm són tonok le, mom gotu snifal tnibó le yó kem libun mlutut bè yó.

Kem Lingón 137:8

Ne bud uu se, benwu Babilun, angat wen he tau gembà kóm se kóm. Hligal yóm tau bud mò du bélê ye yóm tehe nmò ye bélê me.

Job 6:27

Okóm yóm kuy kmò, balù ngà hikit sana kmò ye du hesek. Ne balù wè ye sana kehbalù ye du.

Kem Lingón 137:9

Angat bud nwahen se yó kem kuy ngà lemnek, gotu tefesen lu bè botu, lómón yóm kuy tehe nmò bélê me.

Kem Lingón 149:8

Ne nfét le kedina yó kem tau hol geta bélê le, dalang se yó kem genlal bélê le,