Nahum 2:9 - Udél Dwata: Gna Kesfasad ne Lomi Kesfasad

⁹ Gotu negef ye yó kem blówón bukay le. Gotu nuku ye yó kem tahu blówón le. Tey kmimu yóm benwu Ninibi là kô gabayem msó du yóm kbong kendengenen.

Nahum 2:9 Referans Kwoze

Isaya 33:4

Gotu kendel nuku me yó kem kimu gtebel le.

2 Tutul Israél 36:10

Bè hanà kbut yóm halay tmodol, hfangay Nibukadnisar Jihuyakin ne nwit le ebè Babilun. Bè yóm kdaw yó, tey dê kimu legen alì mebtes nô lem Gónô Dwata negef le ebè Babilun. Omin Nibukadnisar mélék ke Sidikaya yóm mà dì Jihuyakin, mò tles tau hol geta bè Juda ne bè Jirusalim.

Isaya 33:1

Deng le gotu golu elem hatay ne yó kem hohon tekuy. Deng tey wen hennagaw le ne tey wen gel snukat le, balù yóm klaen dù tau deng mnagaw bélê le ne laen dù tau smukat kul. Okóm yóm knagaw le yó ne yóm gel ksukat le wen sónen. Ne bud wen se hennagaw le bélê le ne smukat kul.

Deng Hegfan 18:12

Laen dù bud bemli du yó kem tahu blówón le, ne yó kem blówón bukay le, ne yó kem dê botu sminang mebtes le ne yó kem pérlas le. Senged se yó kem dê kay tila alì mebtes gel hbalù le, yóm tila bukay, ne megem hulô, ne yóm hol tógó hulô ne yóm sida, laen dù bud bemli du bélê le ne. Dalang se yó kem kfal mebtes là klet ton du, ne yó kem dê dumu gel hbalù le mò ngom gónô le, yó kem nmò le gu bè koyu mebtes ne yó kem gel tenwél le, ne yó kem gel nsól le, dalang se yó kem botu alì mebtes mò klóón gónô, laen dù bud bemli du bélê le ne.

Deng Hegfan 18:16

“Weyò, weyò. Kamaen yóm tey syudad bong yóó. Tehe tey tilob yóm nes gel leseken, yóm nes bukay ne yóm hulô megem hitem ne yóm alì tógó hulô. Tehe tódô tfeng lówóhen yóm ngom gónón alì knóón, yóm nmò le bè blówón ne bè yó kem botu sminang mebtes ne bè yó kem pérlas.

Nahum 3:17

Yó kem gel mentey bè benwuhem ne yó kem dumu genlalem, hol lómón kmò le tlangas snéen, gotu le setbukù bè yó kem beng botuhem anì là matay le bè tnaw. Okóm ke deng sut yóm mata kdaw mò kminì kul, hol le mkél bè tlangas snéen, gotu le móyóng mayuk, là bud tonem kul ne.