Nahum 2:5 - Udél Dwata: Gna Kesfasad ne Lomi Kesfasad

⁵ Dók yóm tau hol geta yó kem genlal bè yó kem sendaluen anì kenluug le yóm gónô bongen. Botong salà kdà le lemwót bè keheslò le.

Nahum 2:5 Referans Kwoze

Nahum 3:18

Tey nawaw uu, Tau Geta bè Asirya. Deng le gotu matay yó kem gubérnorem, dalang se yó kem genlalem. Deng le gotu sekla gu lem bulul yó kem tauhem, laen dù bud semtifun kul.

Nahum 3:3

Ngem, tódô temfasù yó kem sendalù smakay kudà, tódô smilà bak sudeng le, bak buyus le kéng dilóf ofi. Nawaw tódô hgasà tau matay, là kô gbekem msó kul hilu luduk hono tau deng matay. Yó kem tau tô mlóy, gotu le tlokob ta le.

Nahum 2:6

Okóm deng le mom getufì abay se deng le sana nô bè yó, yó kem hohon le ne deng genbà le yó kem seng bè yóm él mlel ne tòdô hesut yóm tey él bong, botong gwiten yóm gònô bong yóm tau hol geta bè Asirya.

Hbakuk 1:8

Yóm alì kehlóng yó kem kudà le, botong kéng kehlóng yóm sotu ógóf lóbô lem bnes boluyen lipard. Ne yóm alì klóbô le, hol lómón klóbô yóm ohu lóbô lem bnes ke deng bitil. Yó kem tau gmida smakay kudà bélê le, lemwót le gu bè benwu mayuk. Tey kehlóy le yó kem kudà le, hol lómón ke dmauf banug ke wen kenfóen.