Nahum 2:3 - Udél Dwata: Gna Kesfasad ne Lomi Kesfasad

³ Yó kem sendalù yó kem hohon ye hono hulô yó kem klung le, dalang se yó kem nes le, hono hulô. Deng le eles htigel mundug kuy. Tengel ye dé tu kem klitun tók le, tódô le semkyab igò le demyol kul yó kem kudà le. Ya tey kwen yó kem buyus nogot yó kem sendalù le.

Nahum 2:3 Referans Kwoze

Deng Hegfan 12:3

Ne wen sotu bud hentaw ton tonu ditu te kmawang. Wen tey klambaden swaga hulô tonu, hitu kuluhen, ne sfolò hangahen. Ne sket wen kuruna yó kem hitu kuluhen.

Deng Hegfan 6:4

Ne tahu se, tódô tonu se yóm kudà hulô hsut. Ne wen kfasang blay le yóm tau smakay tahen mò na a mit sgida ebè klamangen benwu anì na le e stibó yó kem tau. Ne wen tey sudeng tahà blay le du.

Sikaraya 6:2

Yóm tanay klitun tók, wen kem kudà hulô demyol du ne yóm gewuhen dyol kem kudà hitem

Sikaraya 1:8

Bè yóm kifu yó, wen hton Dwata do. Tonu yóm tau smakay kudà hulô, mdà lem blóng yó kem koyu mirtol bè yóm ngà datal. Ne wen kudà hulô ne kudà bulow ne kudà bukay tonu, bede hono wen smakay kul sentu yóm tau.

Isaya 14:8

Balù yó kem koyu bè Libanun, gotu le hligal bè yóm deng katay yóm tau hol geta yó abay se laen dù bud mofok kul.

Job 39:23

Yó kem tey hanak nwit yó kem tau smakay kul, ne tey uni lekokot le ne tey silaen bè nóng kdaw yó kem buyus nwit le.

Nahum 3:2

Hnungol ye dé uni fes kudà ne legdeg kudà hlóngkóy, uni kliling klitun tók séhék, uni klitun stingkuk.

Kem Lingón 80:13

Yó kem sdô lem bnes, gotu senwól le. Ne gotu le mowil bè yó, yó kem dumu ógóf lem bnes.