Nahum 2:2 - Udél Dwata: Gna Kesfasad ne Lomi Kesfasad

² Abay se yóm benwu Israél, deng tódô gotu gbà lemwót bè yóm gel kgidahem du, okóm angat bud hulék Dwata ebéléen yóm kun tehe keklóón ne yóm kun kfasang.

Nahum 2:2 Referans Kwoze

Sifanaya 3:11

Bè yóm kdaw yó, laen dù gónó ye myak béléu, abay se deng nimón ye ou. Angat kóhu lem blóng ye yó kem tau alì heklabak. Bè yóm dou bulul, laen kô dù bud tau heklabak bè yó ne.

Isikél 37:23

Là bud nmò le du yóm là mólósen ke tmaba le ebè yó kem dwata kéng ne ke nmò le yó kem dumu sidek tehe gel nmò le, yakà angat lenwau kul bè yóm gónó le gel teklé. Nolobu lu. Omin le yó he baling mò dou tau ne ou se mò kul Dwata.

Isaya 60:15

Là bud knogolu kóm ne, Jirusalim ne là bud knutó nawahu kóm. Là bud sentagak le kóm ne yó kem tauhem ne là bud gnómem du ne yóm kifut nawa. Angat tey kehegetahu kóm ne tey keheklóónu kóm. Angati baling benwu hligal, yóm kligal laen dù tul sónen.

Kem Lingón 47:4

Deng néléken bélê tekuy yóm benwu gónó tekuy nô. Hlós hfunen tekuy kem tau kenbong nawahen yóm benwu yó, ne tey kehyu nawa tekuy mfun du.

Isikél 37:21

Tulónem kul yóm udél yóm sana Dwata hol dandónen geta, yó monu, Gotu bud sentifunu lu yó kem tau Israél deng nô bè yó kem tólóng benwu. Bud nwitu lu mulék gu bè yó kem benwu deng gónó le e sekla, nwitu lu mulék ebè yóm hol kul benwu.

Nahum 2:10

Deng gotu gbà ne yóm benwu Ninibi ne tódô gbayà ne laen dù bud tonem lemen. Lemwót bè yóm alì klikò le, tey sidek kotuk kfu le. Tódô setbol kkel kem bukol le. Tódô gotu lana kgis le ne gotu le lemusék.

Nahum 3:14

Elesi htigel, Ninibi, abay se angat senibut le uu yó kem hohonem. Eles hengónem élem mò ninum yó kem tauhem. Hol hbegelem yóm gónó ye gel heklung. Eles tenlobem yó kem beng hmilol kóm. Mógówi elem sol nam e ma tonok miket mò tlob ye yóm beng yó.